- Thursday, November 28, 2024
- A biweekly newspaper published from philadelphia , pa.
ലോകകപ്പിന് ഇനി 4 ദിവസങ്ങള്‍ മാത്രം ബാക്കി. ലോകകപ്പില്‍ പങ്കെടുക്കുന്ന ഒരോ രാജ്യങ്ങളായി റഷ്യയില്‍ വിമാനം ഇറങ്ങി തുടങ്ങി. ഇന്നലെ സൂപ്പര്‍ താരങ്ങളായ മെസ്സിയും ക്രിസ്റ്റ്യാനോ റൊണാള്‍ഡോയും തങ്ങളുടെ ടീമുകള്‍ക്കൊപ്പം. റഷ്യയില്‍ എത്തി. അര്‍ജന്റീന, പോര്‍ച്ചുഗല്‍ എന്നിവര്‍ കൂടാതെ കുഞ്ഞന്‍ രാജ്യമായ ഐസ്‌ലാന്റും ഏഷ്യന്‍ പ്രതീക്ഷകളില്‍ ഒന്നാം സൗദി അറേബ്യയും ഇന്നലെ റഷ്യയില്‍ വിമാനം ഇറങ്ങി. ഏഷ്യയില്‍ മറ്റൊരു ശക്തിയായ ഇറാന്‍ നേരത്തെ റഷ്യയില്‍ എത്തിയിരുന്നു.
ലോകകപ്പിലെ ഉദ്ഘാടന മത്സരം കളിക്കുന്ന ടീമാണ് സൗദി അറേബ്യ. ഉദ്ഘാടന മത്സരം കളിക്കുന്ന ആദ്യ ഏഷ്യന്‍ ടീമെന്ന നേട്ടം സൗദിക്ക് ഇത്തവണ സ്വന്തമാകും. റൊണാള്‍ഡൊയുടെ പോര്‍ച്ചുഗലിന് ജൂണ്‍ 15ന് സ്പെയിനുമായാണ് ആദ്യ മത്സരം. മെസ്സിയുടെ അര്‍ജന്റീനയ്ക്ക് ജൂണ്‍ 16ന് ഐസ്‌ലാന്റ് ആണ് ആദ്യ എതിരാളികള്‍.
