- Thursday, November 28, 2024
- A biweekly newspaper published from philadelphia , pa.
കാബൂള്‍: ഇന്ത്യക്കെതിരെ അടുത്ത മാസം നടക്കാനിരിക്കുന്ന ചരിത്ര ടെസ്റ്റിനുള്ള അഫ്ഗാനിസ്ഥാന് ക്രിക്കറ്റ് ടീമിനെ പ്രഖ്യാപിച്ചു. അസ്ഗര്‍ സ്റ്റാനിക്സായ് നയിക്കുന്ന ടീമില്‍ റാഷിദ് ഖാനടക്കമുള്ള പ്രമുഖ താരങ്ങളെല്ലാം ഇടം പിടിച്ചിട്ടുണ്ട്. അയര്‍ലന്‍ഡിനൊപ്പം കഴിഞ്ഞ വര്‍ഷമായിരുന്നു അഫ്ഗാനിസ്ഥാന് ഐസിസിയുടെ ടെസ്റ്റ് പദവി ലഭിച്ചത്.
ജൂണ്‍ 14ന് ബംഗളൂരുവിലെ ചിന്നസ്വാമി സ്റ്റേഡിയത്തിലാണ് മത്സരം നടക്കുക. അഫ്ഗാെന്‍റ ടെസ്റ്റ് അരങ്ങേറ്റത്തിനായി കാത്തിരിക്കുകയാണ് ആരാധകര്‍. ക്രിക്കറ്റിലെ കുഞ്ഞന്‍മാര്‍ നേരിടേണ്ടി വരുന്നത് ടെസ്റ്റ് റാങ്കിങ്ങില്‍ ഒന്നാമതുള്ള ഇന്ത്യയെ ആണെങ്കിലും പൊരുതാനുറച്ച്‌ തന്നെയാണ് അസ്ഗറും സംഘവും എത്തുന്നത്.
സൂപ്പര്‍ താരങ്ങളായ റാഷിദ് ഖാന്‍, മുഹമ്മദ് നബി എന്നിവര്‍ക്കൊപ്പം പതിനാറംഗ ടീമില്‍ ഒരു പതിനെട്ടുകാരന്‍ പേസറും ഉള്‍െപട്ടിട്ടുണ്ട്. പ്രധാന പേസ് ബൗളറായിരുന്ന ദൗലത് സദ്രാന് പരിക്കേറ്റതിനാലാണ് വഫാദര്‍ മൊമന്‍ഡ് എന്ന പുതുമുഖ ബൗളര്‍ ടീമില്‍ ഇടം പിടിച്ചത്.
അഫ്ഗാനിസ്ഥാന് ടീം : അസ്ഗര്‍ സ്റ്റാനിക്സായ് (ക്യാപ്റ്റന്‍), ജാവേദ് അഹ്മദി, മുഹമ്മദ് ഷഹ്സാദ്, ഇഹ്സാനുള്ള ജന്നത്ത്, റഹ്മത് ഷാ, നസീര്‍ ജമാല്‍, ഹഷ്മത്തുള്ള ഷഹ്സാദി, അഫ്സര്‍ സസായ്, മുഹമ്മദ് നബി, റാഷിദ് ഖാന്‍, സാഹിര്‍ ഖാന്‍, ഹംസ ഹൊടക്, സയ്യിദ് അഹമ്മദ് ഷെര്‍സാദ്, യാമിന്‍ അഹ്മദ്സയ്, വഫാദര്‍ മൊമന്‍ഡ്, മുജീബ് റഹ്മാന്‍.
