- Thursday, November 28, 2024
- A biweekly newspaper published from philadelphia , pa.
ലോക്‌സഭാ തിരഞ്ഞെടുപ്പിനുള്ള ആദ്യ സ്ഥാനാര്‍ഥി പട്ടിക കോണ്‍ഗ്രസ്‌ പുറത്തുവിട്ടു. 15 മണ്ഡലങ്ങളില്‍ മത്സരിക്കുന്ന സ്ഥാനാര്‍ഥികളുടെ പേരുകളാണ്‌ പ്രഖ്യാപിച്ചത്‌.
യുപിയിലെ റായ്‌ബറേലിയില്‍ നിന്നു യുപിഎ അധ്യക്ഷ സോണിയ ഗാന്ധി വീണ്ടും മത്സരിക്കും. അമേഠിയില്‍ നിന്നുതന്നെയാണ്‌ കോണ്‍ഗ്രസ്‌ അധ്യക്ഷന്‍ രാഹുല്‍ ഗാന്ധി ജനവിധി തേടുന്നത്‌. അതേസമയം, കിഴക്കന്‍ യുപിയുടെ ചുമതലയുള്ള എഐസിസി ജനറല്‍ സെക്രട്ടറി പ്രിയങ്ക ഗാന്ധിയുടെ പേര്‌ സ്ഥാനാര്‍ഥി പട്ടികയില്‍ ഉള്‍പ്പെട്ടിട്ടില്ല.
ഉത്തര്‍പ്രദേശിലെ 11 സീറ്റുകളിലെയും ഗുജറാത്തിലെ 4 സീറ്റുകളിലെയും സ്ഥാനാര്‍ഥി പട്ടികയാണ്‌ പുറത്തുവിട്ടത്‌. കോണ്‍ഗ്രസ്‌ കേന്ദ്ര തിരഞ്ഞെടുപ്പ്‌ കമ്മിറ്റിയാണ്‌ പാര്‍ട്ടിയുടെ ആദ്യഘട്ട സ്ഥാനാര്‍ഥി പ്രഖ്യാപനം നടത്തിയത്‌.
