- Thursday, November 28, 2024
- A biweekly newspaper published from philadelphia , pa.
ചേര്‍ത്തല വയലാറില്‍ ഇരു വിഭാഗങ്ങള്‍ തമ്മിലുള്ള സംഘര്‍ഷത്തില്‍ ആര്‍എസ്‌എസ്‌ പ്രവര്‍ത്തകന്‍ കൊല്ലപ്പെട്ടു. വയലാര്‍ തട്ടാംപറമ്പ്‌ നന്ദു കൃഷ്‌ണ(22)യാണ്‌ വെട്ടേറ്റു മരിച്ചത്‌.
പ്രദേശത്ത്‌ ആര്‍എസ്‌എസ്‌-എസ്‌ഡിപിഐ സംഘര്‍ഷത്തിനിടെയാണ്‌ നന്ദു മരിച്ചത്‌. മൂന്ന്‌ ആര്‍എസ്‌എസ്‌ പ്രവര്‍ത്തകര്‍ക്കും മൂന്ന്‌ എസ്‌ഡിപിഐ പ്രവര്‍ത്തകര്‍ക്കും പരുക്കേറ്റു. വയലാറില്‍ പൊലീസിനെ വിന്യസിച്ചിരിക്കുകയാണ്‌. പ്രതിഷേധസൂചകമായി ആലപ്പുഴയില്‍ ഫെബ്രുവരി 25ന്‌ ബിജെപി ഹര്‍ത്താല്‍ പ്രഖ്യാപിച്ചിരുന്നു
നാഗംകുളങ്ങര കവലയിലായിരുന്നു സംഭവം. ഇവിടെ ഉച്ചയ്‌ക്ക്‌ എസ്‌ഡിപിഐയുടെ വാഹനപ്രചരണജാഥ വന്നിരുന്നു. അതിലെ പ്രസംഗ പരാമര്‍ശം സംബന്ധിച്ച്‌ ഇരുകൂട്ടരും തമ്മില്‍ തര്‍ക്കമുണ്ടായി. വൈകിട്ട്‌ ഇരുകൂട്ടരും പ്രകടനം നടത്തി. ഇതേ തുടര്‍ന്ന്‌ ഏറ്റുമുട്ടലിനിടെ നന്ദു വെട്ടേറ്റു മരിച്ചെന്നാണു പ്രാഥമിക വിവരം.
