- Thursday, November 28, 2024
- A biweekly newspaper published from philadelphia , pa.
ബോളിവുഡ്‌ നടന്‍ അമിതാഭ്‌ ബച്ചന് ഇന്ത്യന്‍ സിനിമാ മേഖലയിലെ പരമോന്നത അംഗീകാരമായ ദാദാ സാഹിബ്‌ ഫാല്‍ക്കെ പുരസ്‌കാരം. സിനിമാ രംഗത്തെ സമഗ്ര സംഭാവന പരിഗണിച്ചാണ്‌ പുരസ്‌കാരം. കേന്ദ്ര വാര്‍ത്താ വിതരണ പ്രക്ഷേപണ മന്ത്രി പ്രകാശ്‌ ജാവഡേക്കറാണ്‌ അവാര്‍ഡ്‌ പ്രഖ്യാപിച്ചത്‌. കഴിഞ്ഞ ഫെബ്രുവരിയിലാണ്‌ അഭിയനജീവിതത്തില്‍ അമിതാഭ്‌ ബച്ചന് അര നൂറ്റാണ്ട്‌ തികച്ചത്‌.
1969ല്‍ സാഥ്‌ ഹിന്ദുസ്ഥാനിയില്‍ വേഷമിട്ടുകൊണ്ടായിരുന്നു ബിഗ്‌ ബിയുടെ സിനിമാ അരങ്ങേറ്റം. 1973ല്‍ ഇറങ്ങിയ സഞ്‌ജീര്‍ ആണ്‌ നായകനായി അഭിനയിച്ച ആദ്യ ചിത്രം. നാലു തവണ മികച്ച നടനുള്ള ദേശീയ പുരസ്‌കാരം ലഭിച്ച ബച്ചനെ രാജ്യം പത്മശ്രീയും പത്മഭൂഷണും പത്മവിഭൂഷണും നല്‍കി ആദരിച്ചിട്ടുണ്ട്‌.
നടി ജയ ഭാദുരിയാണ്‌ ഭാര്യ. 1973ലായിരുന്നു ഇരുവരുടെയും വിവാഹം. മക്കള്‍: ശ്വേത നന്ദ, നടന്‍ അഭിഷേക്‌ ബച്ചന്. നടി ഐശ്വര്യ റായിയാണ്‌ മരുമകള്‍.
