- Thursday, November 28, 2024
- A biweekly newspaper published from philadelphia , pa.
തിരുവനന്തപുരം: 'സോറി ഞാന്‍ പോകുന്നു, എന്റെ മകനെക്കൂടി ചേട്ടന്‍ നോക്കിക്കോണം' ആത്മഹത്യക്ക് മുന്‍പ് ഡിവൈഎസ്പി ഹരികുമാര്‍ എഴുതിയ വാചകങ്ങളാണിത്.സഹോദരനെ അഭിസംബോധന ചെയ്താണ് ആത്മഹത്യക്കുറിപ്പാണ് പോലീസ് കണ്ടെടുത്തിരിക്കുന്നത്.
നെയ്യാറ്റിന്‍കര സ്വദേശിയായ സനല്‍കുമാറിനെ വാഹനത്തിനു മുന്നില്‍ തള്ളിയിട്ട് കൊന്ന കേസിലെ പ്രതിയായ ഹരികുമാറിനെ കല്ലമ്ബലത്ത് വെയിലൂരിലെ ആദ്ദേഹത്തിന്റെ കുടുംബ വീടായ ദേവനന്ദനത്തില്‍ ഇന്നലെ രാവിലെയാണ് തൂങ്ങി മരിച്ച നിലയില്‍ കണ്ടെത്തിയത്. വീടിനോട് ചേര്‍ന്ന് സ്ഥിതിചെയ്യുന്ന ഷെഡിലായിരുന്നു മൃതദേഹം കണ്ടെത്തിയത്. ഹരികുമാര്‍ ഒളിവില്‍പോയശേഷം ഭാര്യയും മകനും കല്ലറയുള്ള കുടുംബവീട്ടിലായിരുന്നു. രാത്രിയോടെ ഹരികുമാര്‍ കല്ലമ്ബലത്തെ വീട്ടിലെത്തി തൂങ്ങി മരിക്കുകയായിരുന്നു എന്നാണ് പൊലീസിന്റെ നിഗമനം.
