- Thursday, November 28, 2024
- A biweekly newspaper published from philadelphia , pa.
വിജയ തിളക്കത്തോടെ പെറു റഷ്യന്‍ ലോകകപ്പില്‍ നിന്നും പുറത്തേക്ക്. ഏകപക്ഷീയമായ രണ്ടു ഗോളുകള്‍ക്കാണ് പെറു ആസ്ട്രേലിയയെ പരാജയപ്പെടുത്തിയത്. പെറുവിന് വേണ്ടി ആന്ദ്രേ കാരില്ലോയും പൗലോ ഗുറേറോയുമാണ്‌ ഗോളടിച്ചത്. മുപ്പത്തിയാറു വര്‍ഷത്തിനിടയിലെ ആദ്യ ലോകകപ്പ് ഗോളാണ് ആന്ദ്രേ കാരില്ലോയിലൂടെ പെറു സ്വന്തമാക്കിയത്.
ഗ്രൂപ്പ് സിയിലെ മൂന്നാം മത്സരത്തില്‍ ആദ്യം തന്നെ ആക്രമിച്ചാണ് പെറുവും ആസ്ട്രേലിയയും തുടങ്ങിയത്. പക്ഷെ അപ്രതീക്ഷിതമായാണ് പെറു ലീഡ് നേടിയത്. പൗലോ ഗുരേര നല്‍കിയ ലോങ്ങ് പാസ് സ്വീകരിച്ച ആന്ദ്രേ കാരില്ലോ, ഒരു തകര്‍പ്പന്‍ വോളിയിലൂടെ ആസ്ട്രേലിയയുടെ വലയിലേക്ക്. ആസ്ട്രേലിയന്‍ ഗോള്‍ കീപ്പര്‍ മാത്യു റയാന് നിഷ്ക്രിയനായി നോക്കി നില്‍ക്കാനേ സാധിച്ചുള്ളൂ. മികച്ച പ്രകടനം മത്സരത്തില്‍ കാഴ്ച വെച്ചെങ്കിലും സോക്കറൂസുകള്‍ക്ക് ഗോള്‍ അകന്നു നിന്നു.
