- Thursday, November 28, 2024
- A biweekly newspaper published from philadelphia , pa.
പതിനാലു വര്‍ഷത്തെ ഇടവേളയ്‌ക്കു ശേഷം പുതിയ ചിത്രവുമായി എത്തുകയാണ്‌ സംവിധായകനായ ഭദ്രന്‍. ജൂതന്‍ എന്നു പേരിട്ടിരിക്കുന്ന ചിത്രത്തില്‍ സൗബിന്‍ ഷാഹിര്‍ പ്രധാന കഥാപാത്രത്തെ അവതരിപ്പിക്കും. റിമ കല്ലിങ്കല്‍ ആണ്‌ നായിക. ചിത്രത്തിന്റെ ഫസ്റ്റ്‌ലുക്ക്‌ പോസ്റ്റര്‍ മോഹന്‍ലാല്‍ തന്റെ ഫേസ്‌ബുക്ക്‌ പേജിലൂടെ പുറത്തു വിട്ടു.
ചിത്രത്തില്‍ കൊച്ചുകുട്ടിയെപ്പോലെ നിഷ്‌കളങ്കവും പക്ഷേ ബുദ്ധിവൈഭവവും ഉള്ള ജൂത കഥാപാത്രമായാണ്‌ സൗബിന്‍ എത്തുന്നത്‌. ജോജു ജോര്‍ജ്ജ്‌ മറ്റൊരു സുപ്രധാന കഥാപാത്രത്തെ അവതരിപ്പിക്കും. ഇവരെ കൂടാതെ ഇന്ദ്രന്‍സ്‌, ജോയിമാത്യു തുടങ്ങി നിരവധി താരങ്ങളാണ്‌ കഥാപാത്രങ്ങളായി ചിത്രത്തില്‍ അണിനിരക്കുന്നത്‌.
എസ്. സുരേഷ് ബാബുവാണ്‌ തിരക്കഥ. റൂബി ഫിലിംസിന്റെ ബാനറില്‍ തോമസ്‌ ജോസഫ്‌ പട്ടത്താനം,ജയന്ത്‌ മാമന്‍ ,എസ് സുരേഷ് ബാബു എന്നിവര്‍ ചേര്‍ന്നാണ്‌ ചിത്രം നിര്‍മ്മിക്കുന്നത്‌. ലോകനാഥന്‍ ശ്രീനിവാസന്‍ ആണ്‌ ജൂതന്റെ ഛായാഗ്രാഹണം നിര്‍വഹിക്കുക. സംഗീതം സുഷിന്‍ ശ്യാം.
