- Thursday, November 28, 2024
- A biweekly newspaper published from philadelphia , pa.
സുനില്‍ തൈമറ്റം
ഇന്ത്യ പ്രസ്സ്‌ ക്‌ളബ്‌ ഓഫ്‌ നോര്‍ത്ത്‌ അമേരിക്ക ഏട്ടാമത്‌ ദേശീയ കോണ്‍ഫറന്‍സിന്റെ ഫൈനാന്‍സ്‌ കമ്മറ്റി ചെയര്‍മാനായി ബിജു കിഴക്കേകൂറ്റ്‌ ചുമതലയേറ്റു. അദ്ദേഹത്തോടോപ്പം ഷിജൊ പൗലോസ്‌, ബിജിലി ജോര്‍ജ്ജ്‌ , സുധ കര്‍ത്ത, ഷോളി കുമ്പിളുവേലില്‍ എന്നിവരുമുണ്ടായിരിക്കും.
ഇന്ത്യ പ്രസ്സ്‌ ക്‌ളബിന്റെ കോണ്‍ഫറന്‍സിന്‌ അകമഴിഞ്ഞ പിന്തുണ നല്‌കിയ സ്‌പോണ്‍സേഴ്‌സിനു ബിജു കിഴക്കേകൂറ്റ്‌ നന്ദി പറഞ്ഞു. തികച്ചും സൗജന്യമായ ദേശീയ കോണ്‍ഫറന്‍സുകളുടെ നാളിതു വരെയുള്ള വിജയത്തിനു സ്‌പോണ്‍സേഷ്‌സിന്റെ പങ്ക്‌ വളരെ വലുതാണ്‌. ദേശീയ കോണ്‍ഫ്രന്‍സ്‌ വന്‍ വിജയമാക്കുവാന്‍ ഇന്ത്യ പ്രസ്സ്‌ ക്ലബിന്റെ വിവിധ കമ്മറ്റികള്‍ വിപുലമായ തയ്യാറെടുപ്പുകളാണ്‌ നടത്തി കൊണ്ടിരിക്കുന്നത്‌.
ഒക്ടോബര്‍ 10, 11, 12 തീയതികളില്‍ ന്യൂജഴ്‌സിയിലെ എഡിസനിലുള്ള ഈ ഹോട്ടലില്‍ നടക്കുന്ന കോണ്‍ഫറന്‍സില്‍ കേരളത്തില്‍ നിന്ന്‌ മന്ത്രി കെ ടി ജലീല്‍, രമ്യ ഹരിദാസ്‌ എം പി മാധ്യമപ്രവര്‍ത്തകരായ മാതൃഭൂമിയിലെ വേണു ബാലകൃഷ്‌ണന്‍, ഏഷ്യാനെറ്റിലെ എം ജി രാധാകൃഷ്‌ണന്‍, ഹിന്ദു പത്രത്തിന്റെ ജോസി ജോസഫ്‌, സോഷ്യല്‍ മീഡിയയിലൂടെ തരംഗമായി മാറിയ വിനോദ്‌ നാരായണന്‍ തുടങ്ങി ഒട്ടേറെ പ്രമുഖര്‍ പങ്കെടുക്കുന്നതാണ്‌.എട്ടാമത്‌ ദേശീയ കോണ്‍ഫ്രന്‍സ്‌ സര്‍വകാല വിജയമാക്കാന്‍ മധു കൊട്ടാരക്കര ( പ്രസിഡന്റ്‌),ശിവന്‍ മുഹമ്മ (ചെയര്‍മാന്‍ ) സുനില്‍ തൈമറ്റം (സെക്രട്ടറി), സണ്ണി പൗലോസ്‌ (ട്രഷറര്‍), ജയിംസ്‌ വര്‍ഗീസ്‌ (വൈസ്‌ പ്രസിഡന്റ്‌), അനില്‍ ആറന്മുള (ജോയിന്റ്‌ സെക്രട്ടറി), ജീമോന്‍ ജോര്‍ജ്‌, (ജോയിന്റ്‌ ട്രഷറര്‍), തുടങ്ങിയവരുടെ നേതൃത്വത്തിലാണ്‌ സമ്മേളനം നടക്കുക.
