- Thursday, November 28, 2024
- A biweekly newspaper published from philadelphia , pa.
ഗ്രൂപ്പ് ഇ യിലെ നിര്‍ണായക മത്സരത്തില്‍ സെര്‍ബിയയെ രണ്ടു ഗോളിന് തകര്‍ത്ത് ഗ്രൂപ്പ് ചാമ്ബ്യന്മാരായി ബ്രസീല്‍ പ്രീ ക്വാര്‍ട്ടറില്‍. പൗളീഞ്ഞോയും തിയാഗോ സില്‍വയുമാണ് ബ്രസീലിന് വേണ്ടി ഗോളുകള്‍ നേടിയത്. ഇതോടെ ബ്രസീല്‍ ഗ്രൂപ് ചാമ്ബ്യന്മാരായി. ഇനി പ്രീ ക്വാര്‍ട്ടറില്‍ ബ്രസീല്‍ മെക്സിക്കോയോട് ഏറ്റുമുട്ടും.
മുപ്പത്തിയാറാം മിനിറ്റില്‍ പൗളീന്യോയാണ് ബ്രസീലിനായി ആദ്യം ലീഡ് നേടിയത്. മധ്യഭാഗത്ത് നിന്ന് കുട്ടീന്യോ സെര്‍ബിയന്‍ ബോക്സിലേക്ക് തൊടുത്ത പന്ത് സ്റ്റോയിക്കോവിച്ചനെ മറികടന്ന് ഓടി പിടിച്ചെടുത്ത പൗളീന്യോ അഡ്വാന്‍സ് ചെയ്തുവന്ന ഗോളിയുടെ തലയ്ക്ക് മുകളിലൂടെ വലംകാല്‍ കൊണ്ട് തട്ടിയിടുകയായിരുന്നു. പന്ത് കൃത്യം വലയില്‍.
അറുപതിയെട്ടാം മിനിറ്റില്‍ കോര്‍ണര്‍ കിക്ക് ഹെഡര്‍ ചെയ്ത് വലയിലിട്ട് തിയാഗോ സില്‍വ ലീഡ് രണ്ടാക്കി.നിരവധി അവസരങ്ങള്‍ ലഭിച്ചെങ്കിലും സുപ്പര്‍ താരം നെയ്മറിന് ഗോളുകള്‍ നേടാനായില്ല.
31ാം മിനിറ്റിലാണ് സ്വിറ്റ്സര്‍ലന്‍ഡ് ആദ്യ ഗോള്‍ നേടിയത്. എംബോളോയുടെ ഹെഡ്ഡര്‍ പാസ് വലയിലേക്ക് തൊടുത്ത ബ്ലെരിം സെമൈലിയാണ് സ്വിറ്റ്സര്‍ലന്‍ഡിന് ലീഡ് നല്‍കിയത്.
