- Thursday, November 28, 2024
- A biweekly newspaper published from philadelphia , pa.
ജോസ്‌ മാളേയ്‌ക്കല്‍
പ്രശസ്‌ത വചനപ്രഘോഷകന്‍ ബ്രദര്‍ സാബു ആറുതൊട്ടിയില്‍ നയിക്കുന്ന മൂന്നുദിവസത്തെ സൗഖ്യാനുഭവ ധ്യാനം ഫിലാഡല്‍ഫിയ സെ. തോമസ്‌ സീറോമലബാര്‍ കത്തോലിക്കാ ഫൊറോനാ ദേവാലയത്തില്‍ നടത്തപ്പെടുന്നു. 2019 ജൂലൈ 12, 13, 14 വെള്ളി, ശനി, ഞായര്‍ എന്നീ ദിവസങ്ങളിലായി നടത്തപ്പെടുന്ന ധ്യാനത്തിലേക്കുള്ള രജിസ്‌ട്രേഷന്‍ ആരംഭിച്ചു.
ഭക്ഷണമുള്‍പ്പെടെ മൂന്നുദിവസത്തേക്കുള്ള ധ്യാനത്തിന്‌ 14 വയസിന്‌ മുകളിലുള്ള ഒരാള്‍ക്ക്‌ 25 ഡോളര്‍ ആണ്‌ രജിസ്‌ട്രേഷന്‍ ഫീസ്‌. 14 വയസിന്‌�താഴെയുള്ള കുട്ടികള്‍ക്ക്‌ രജിസ്‌ട്രേഷന്‍ ഫീസ്‌ ആവശ്യമില്ല. കുട്ടികള്‍ക്ക്‌ ഇംഗ്ലീഷില്‍ പ്രത്യേക ധ്യാനമോ മറ്റു സമാന്തര പ്രോഗ്രാമുകളോ ഉണ്ടായിരിക്കുന്നതല്ല. ആവശ്യമെങ്കില്‍ മാത്രം 14 വയസില്‍ താഴെയുള്ള �കുട്ടികളെ മാതാപിതാക്കള്‍ക്കൊപ്പം മലയാളത്തിലൂള്ള ധ്യാനപരിപാടിയില്‍ പങ്കെടുപ്പിക്കാവുന്നതാണ്‌.
ജൂലൈ 12 വെള്ളിയാഴ്‌ച വൈകിട്ട്‌ അഞ്ചുമണിക്ക്‌ ആരംഭിച്ച്‌ ജൂലൈ 14 ഞായറാഴ്‌ച്ച വൈകിട്ട്‌ മൂന്നു മണിക്ക്‌ അവസാനിക്കുന്ന ത്രിദിനധ്യാന ശുശ്രൂഷയില്‍ വചനപ്രഘോഷണത്തോടോപ്പം, ഗാനശുശ്രൂഷ, ദിവ്യകാരുണ്യ ആരാധന, വ്യക്തിഗത കൗണ്‍സലിംഗ്‌, കുമ്പസാരം, മധ്യസ്‌ഥ പ്രാര്‍ത്ഥന എന്നിവയും ക്രമീകരിച്ചിട്ടുണ്ട്‌. വെള്ളിയാഴ്‌ച്ച വൈകിട്ട്‌ അഞ്ചു മണി മുതല്‍ ഒന്‍പതുവരെയും, ശനിയാഴ്‌ച്ച രാവിലെ ഒന്‍പതുമുതല്‍ വൈ�ന്നേരം അഞ്ചുവരെയും, ഞായറാഴ്‌ച്ച രാവിലെ ഒന്‍പതര മുതല്‍ ഉച്ച�ശേഷം മൂന്നുമണിവരെയുമാണ്‌ സമയക്രമം.
