- Thursday, November 28, 2024
- A biweekly newspaper published from philadelphia , pa.
സംസ്ഥാനത്തെ ആറ്‌ നിയമസഭാ മണ്ഡലങ്ങളിലേക്കുള്ള ഉപതിരഞ്ഞെടുപ്പ്‌ ഒക്ടോബറില്‍ നടന്നേക്കും. സെപ്‌റ്റംബര്‍ പകുതിക്കുശേഷം തിരഞ്ഞെടുപ്പ്‌ വിജ്ഞാപനം ഇറങ്ങുമെന്നാണ്‌ മുഖ്യതിരഞ്ഞെടുപ്പ്‌ ഓഫിസറുടെ ഓഫിസില്‍നിന്നു ലഭിക്കുന്ന വിവരം. വട്ടിയൂര്‍ക്കാവ്‌, കോന്നി, അരൂര്‍, എറണാകുളം, പാലാ, മഞ്ചേശ്വരം നിയമസഭാ മണ്ഡലങ്ങളിലാണ്‌ ഉപതിരഞ്ഞെടുപ്പ്‌.
വട്ടിയൂര്‍ക്കാവും, കോന്നിയും എറണാകുളവും കോണ്‍ഗ്രസിന്റെ സിറ്റിങ്‌ സീറ്റാണ്‌. ആരൂര്‍ സിപിഎമ്മിന്റെയും പാലാ കേരള കോണ്‍ഗ്രസ്‌ മാണി വിഭാഗത്തിന്റെയും സിറ്റിങ്‌ സീറ്റ്‌. മഞ്ചേശ്വരം മുസ്‌ലിം ലീഗിന്റെ സീറ്റും.
മത്സരം കടുത്തതാകുമെന്ന വിലയിരുത്തലിലാണ്‌ സിറ്റിങ്‌ എംഎല്‍മാരെ ലോക്‌സഭാ തിരഞ്ഞെടുപ്പില്‍ മത്സരിപ്പിക്കാന്‍ രാഷ്ട്രീയപാര്‍ട്ടികള്‍ തീരുമാനിച്ചത്‌. തിരഞ്ഞെടുപ്പില്‍ മത്സരിച്ച 9 എംഎല്‍എമാരില്‍ 4പേരാണ്‌ വിജയിച്ചത്‌. അരൂര്‍ എംഎല്‍എ ആരിഫ്‌ ആലപ്പുഴ മണ്ഡലത്തിലും, എറണാകുളം എംഎല്‍എ ഹൈബി ഈഡന്‍ എറണാകുളത്തും, കോന്നി എംഎല്‍എ അടൂര്‍ പ്രകാശ്‌ ആറ്റിങ്ങലിലും, വട്ടിയൂര്‍ക്കാവ്‌ എംഎല്‍എ കെ.മുരളീധരന്‍ വടകരയിലുമാണ്‌ വിജയിച്ചത്‌. പി.ബി.അബ്ദുള്‍ റസാഖിന്റെ മരണത്തെത്തുടര്‍ന്ന്‌ ഒഴിഞ്ഞുകിടക്കുന്ന മഞ്ചേശ്വരം മണ്ഡലത്തിലും, കെ.എം.മാണിയുടെ മരണത്തെത്തുടര്‍ന്ന്‌ പാലായിലും ഉപതിരഞ്ഞെടുപ്പ്‌ നടക്കും.
