- Thursday, November 28, 2024
- A biweekly newspaper published from philadelphia , pa.
ന്യൂഡല്‍ഹി : പ്രളയക്കെടുതിയില്‍പെട്ട് സര്‍ട്ടിഫിക്കറ്റുകള്‍ നഷ്ടപ്പെട്ടവര്‍ക്ക് ആശ്വസിക്കാവുന്ന നടപടിയുമായി സിബിഎസ്‌ഇ. സര്‍ട്ടിഫിക്കറ്റ് നഷ്ടപ്പെട്ടവര്‍ ആശങ്കപ്പെടേണ്ടതില്ലന്നും പുതിയ സര്‍ട്ടിഫിക്കറ്റുകള്‍ നല്‍കുന്നതിനുള്ള അപേക്ഷകള്‍ ഉടന്‍ ക്ഷണിക്കുമെന്നും സിബിഎസ്‌ഇ അധികൃതര്‍ അറിയിച്ചു. കേരളത്തില്‍ നിന്നു സര്‍ട്ടിഫിക്കറ്റ് നഷ്ടപ്പെട്ടവരും സ്‌കൂളുകളും സിബിഎസ്‌ഇയെ സമീപിച്ചിട്ടുണ്ട്.
1300 സ്‌കൂളുകളാണ് സംസ്ഥാനത്ത് സിബിഎസ്‌ഇയുമായി അഫിലിയേറ്റ് ചെയ്തിട്ടുള്ളത്. 2004 നു ശേഷമുള്ള സര്‍ട്ടിഫിക്കറ്റുകളില്‍ ഭൂരിഭാഗവും സിബിഎസ്‌ഇയുടെ വെബ്‌സൈറ്റില്‍ ലഭ്യമാണ്‌. ഈ വര്‍ഷത്തെ സര്‍ട്ടിഫിക്കറ്റുകള്‍ ഡിജി ലോക്കറിലുംകിട്ടും. വെബ്‌സൈറ്റിലെ 'പരിണാം മഞ്ജുഷ' എന്ന വിഭാഗത്തിലാണ് ഇത് ലഭ്യമാകുക.
