- Thursday, November 28, 2024
- A biweekly newspaper published from philadelphia , pa.
ചാമ്ബ്യന്‍സ് ലീഗിലെ ഇറ്റാലിയന്‍ ടീമുകളുടെ വിജയക്കുതിപ്പ് തുടരുന്നു. ഏറ്റവുമധികം പോയന്റിസ് പെര്‍ ഗെയിം നേടുന്ന രാജ്യമായി ഇറ്റലിയും ലീഗായി സീരി എ യും മാറി. 2.17 പോയ്ന്റ്സ് പെര്‍ ഗെയിം ആണ് സീരി എ ടീമുകള്‍ നേടിയത്. ഈ ആഴ്ചയില്‍ ഇറ്റാലിയന്‍ ചാമ്ബ്യന്മാരായ യുവന്റസും റോമയും ജയിച്ചപ്പോള്‍ നാപോളി പിഎസ്ജിയോട് സമനിലയും ഇന്റര്‍ മിലാന്‍ ബാഴ്‌സയോട് പരാജയവും ഏറ്റുവാങ്ങി.
ചാമ്ബ്യന്‍സ് ലീഗില്‍ ഇറ്റാലിയന്‍ ചാമ്ബ്യന്മാരായ യുവന്റസ് പരാജയമറിഞ്ഞിട്ടില്ല. ഇന്റര്‍ മിലാനും റോമയ്ക്കും മൂന്നു മത്സരങ്ങളില്‍ രണ്ടു ജയങ്ങളുണ്ട്. കാര്‍ലോ ആഞ്ചലോട്ടിയുടെ നാപോളിക്ക് രണ്ടു സമനിലയും ഒരു വിജയവുമാണുള്ളത്. ലാ ലീഗയ്ക്കും ബുണ്ടസ് ലീഗയ്ക്കും 1.92 പോയ്ന്റ്സ് പെര്‍ ഗെയിം ആണുള്ളത്. ലിവര്‍പൂളും സിറ്റിയും ഈ ആഴ്ച ജയിച്ചെങ്കിലും 1.42. പോയ്ന്റ്സ് പെര്‍ ഗെയിം ആണ് പ്രീമിയര്‍ ലീഗിനുള്ളത്.
