- Thursday, November 28, 2024
- A biweekly newspaper published from philadelphia , pa.
തിരുവനന്തപുരം: സിപിഎം ആലപ്പുഴ ജില്ലാസെക്രട്ടറി സജി ചെറിയാന്‍ ചെങ്ങന്നൂര്‍ ഉപതെരഞ്ഞെടുപ്പില്‍ ഇടതുമുന്നണി സ്ഥാനാര്‍ഥി. സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ ഇതു സംബന്ധിച്ച്‌ ഒൗദ്യോഗിക പ്രഖ്യാപനം നടത്തി. സജി ചെറിയാന്‍റെ സ്ഥാനാര്‍ഥിത്വം സംബന്ധിച്ചു നേരത്തെതന്നെ ധാരണയായിരുന്നെങ്കിലും ഇന്നാണ് ഒൗദ്യോഗിക പ്രഖ്യാപനമുണ്ടാകുന്നത്.
ഇക്കഴിഞ്ഞ ജില്ലാ സമ്മേളനത്തില്‍ രണ്ടാംതവണയും സിപിഎം ആലപ്പുഴ ജില്ലാ സെക്രട്ടറിയായി സജി ചെറിയാന്‍ തെരഞ്ഞെടുക്കപ്പെട്ടിരുന്നു. നിയമ ബിരുദധാരിയാണ്. 1995ല്‍ ജില്ലാ കമ്മിറ്റി അംഗമായി. 2001 മുതല്‍ ജില്ലാ സെക്രട്ടറിയേറ്റ് അംഗവുംനിലവില്‍ സിപിഎം സംസ്ഥാന കമ്മിറ്റി അംഗവുമാണ്. ചെങ്ങന്നൂര്‍ ബ്ലോക്ക് പഞ്ചായത്ത് പ്രസിഡന്‍റ്, ആലപ്പുഴ ജില്ലാ പഞ്ചായത്ത് അംഗം, കേരള സര്‍വകലാശാല സിന്‍ഡിക്കേറ്റ് അംഗം എന്നീ നിലകളിലും പ്രവര്‍ത്തിച്ചിട്ടുണ്ട്.
2006ല്‍ പി.സി. വിഷ്ണുനാഥിനെതിരേ ചെങ്ങന്നൂര്‍ മണ്ഡലത്തില്‍നിന്നു നിയമസഭയിലേക്ക് മത്സരിച്ചെങ്കിലും പരാജയപ്പെട്ടു.
