- Thursday, November 28, 2024
- A biweekly newspaper published from philadelphia , pa.
സംസ്ഥാനത്ത്‌ ഒരാഴ്‌ചയ്‌ക്കിടെ കോവിഡ്‌ രോഗികളുടെ എണ്ണം 13 ശതമാനം കുറഞ്ഞുവെന്ന്‌ മുഖ്യമന്ത്രി പിണറായി വിജയന്‍. ജനിതകമാറ്റം വന്ന യുകെ വൈറസിന്‌ ഉള്‍പ്പെടെ കോവാക്‌സീന്‍ ഫലപ്രദമാണ്‌. വാക്‌സിനേഷന്‍ നടപടികള്‍ സുഗമമാക്കുമെന്നും മുഖ്യമന്ത്രി പറഞ്ഞു.
കോവിന്‍ പോര്‍ട്ടലില്‍ 15 ദിവസത്തെ വാക്‌സിനേഷന്‍ സെഷനുകള്‍ സൃഷ്ടിക്കും. വാക്‌സിനേഷന്‍ കേന്ദ്രങ്ങള്‍ വര്‍ധിപ്പിക്കും. സെഷനുകള്‍ മുന്‍കൂട്ടി ആസൂത്രണം ചെയ്യും. കോവിഡ്‌ കേന്ദ്രങ്ങളില്‍ നേരിട്ടെത്തുന്നവര്‍ക്ക്‌ ടോക്കണ്‍ സംവിധാനം ഏര്‍പ്പെടുത്തും. സംസ്ഥാനത്ത്‌ അന്തരീക്ഷ താപനില ഉയരുന്നുവെന്നും പൊതുജനങ്ങള്‍ ജാഗ്രത പാലിക്കണമെന്നും മുഖ്യമന്ത്രി മുന്നറിയിപ്പ്‌ നല്‍കി.
