- Thursday, November 28, 2024
- A biweekly newspaper published from philadelphia , pa.
മലപ്പുറം പെരിന്തല്‍മണ്ണയില്‍ രാവിലെ ഉദ്ദേശം 10 മണിയോടെയാണ് അപകടം ഉണ്ടായത്. ഷംസുദീന്‍ ഷാഹിനാ ദമ്ബതികളുടെ മകനായ മുഹമ്മദ് ഷാമില്‍ ആണ് മരിച്ചത്. വീട്ടുമുറ്റത്ത് കളിച്ചുകൊണ്ടിരിക്കുകയായിരുന്ന ഷാമില്‍ വീട്ടിനടുത്തുള്ള തോട്ടിനരികിലേക്ക് പോകുന്നത് വീട്ടുകാരുടെ ശ്രദ്ധയില്‍ പെട്ടിരുന്നില്ല. തോട്ടിനരികിലേക്ക് എത്തിയ കുട്ടി അബദ്ധവശാല്‍ തോട്ടിലേക്കിറങ്ങിയതാകാം എന്നാണ് പോലീസിന്റെ നിഗമനം. കളിച്ചുകൊണ്ടിരുന്ന മകനെ കാണാതായപ്പോള്‍ വീട്ടുകാര്‍ നടത്തിയ തിരച്ചിലിലാണ് ഷാമിലിനെ തോട്ടില്‍ നിന്നും കണ്ടെത്തിയത്. തുടര്‍ന്ന് ഷാമിലിനെ അടുത്തുള്ള സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. താഴേക്കോട് കൂരിക്കുണ്ടില്‍ തോട്ടാശേരിയിലാണ് ഷംസുദീന്‍ ഷാഹിനാ മുഹമ്മദ് ഷാമില്‍ എന്നിവരുടെ താമസം.
