- Thursday, November 28, 2024
- A biweekly newspaper published from philadelphia , pa.
കോവിഡ്‌ വ്യാപനത്തില്‍ ആശങ്കപ്പെടേണ്ടതില്ലെന്ന്‌ മുഖ്യമന്ത്രി പിണറായി വിജയന്‍. കോവിഡ്‌ ചികിത്സയ്‌ക്കാവശ്യമായ മികച്ച സൗകര്യങ്ങള്‍ ഒരുക്കിയിട്ടുണ്ടെന്നും ജനങ്ങള്‍ ആശങ്കപ്പെടേണ്ട കാര്യമില്ലെന്നും അദ്ദേഹം പറഞ്ഞു.
കോവിഡിന്റെ രണ്ടാം തരംഗത്തെ പിടിച്ചുകെട്ടാന്‍ കേരളം മുന്നോട്ടുവയ്‌ക്കുന്ന പുതിയ ക്യാംപെയിനാണ്‌ 'ബാക്‌ ടു ബേസിക്‌സ്‌'. മാസ്‌കുകള്‍ ധരിച്ചും സാമൂഹിക അകലം പാലിച്ചും കൈകള്‍ ഇടയ്‌ക്കിടെ ശുചിയാക്കിയും ഓരോരുത്തരും അവനവനു ചുറ്റും സുരക്ഷാകവചം തീര്‍ക്കണം. രോഗം പകരില്ലെന്നും പടര്‍ത്തില്ലെന്നും ഉറപ്പിക്കണമെന്നും വിശദമായ കുറിപ്പ്‌ പങ്കുവച്ച്‌ മുഖ്യമന്ത്രി പിണറായി വിജയന്‍ വ്യക്തമാക്കി.
'ഒന്നാമത്തെ തരംഗം ഉണ്ടായപ്പോള്‍ ഉള്ളതിനേക്കാള്‍ സുസജ്ജമാണ്‌ ഇപ്പോള്‍ നമ്മുടെ കോവിഡ്‌ പ്രതിരോധ ആരോഗ്യ സംവിധാനങ്ങള്‍. ഇക്കാലയളവില്‍ കോവിഡ്‌ ചികിത്സയ്‌ക്കാവശ്യമായ മികച്ച സൗകര്യങ്ങള്‍ ഇവിടെ വളര്‍ത്തിയെടുത്തിട്ടുണ്ട്‌. അതുകൊണ്ട്‌, ജനങ്ങള്‍ ആശങ്കപ്പെടേണ്ട കാര്യമില്ല. മികച്ച ചികിത്സ സര്‍ക്കാര്‍ ഒരുക്കുന്നതായിരിക്കും.' അദ്ദേഹം പറഞ്ഞു.
