- Thursday, November 28, 2024
- A biweekly newspaper published from philadelphia , pa.
പി.പി. ചെറിയാന്‍
ട്രോയ്‌, സ്‌റ്റെര്‍ലിങ്‌ ഹൈട്‌ സ്‌ ,വാറന്‍ ,മകോംബ്‌ ,ടൗണ്‌ഷിപ്‌ ഷെല്‍ബി എന്നീ പ്രദേശങ്ങളില്‍ നിന്നുള്ള മാര്‍തോമ്മാ സഭാ വിശ്വാസികള്‍ക്ക്‌ സൗകര്യപ്രദമായി ഒന്നിച്ചു ആരാധിക്കുന്നതിനും കൂടി വരുന്നതിനും ഒരു പുതിയ കോണ്ഗ്രിഗേഷന് അഭിവന്ദ്യ ഡോ ജോസഫ്‌ മാര്‍ത്തോമ്മാ മെത്രാപ്പോലീത്ത അനുവദിച്ചു നല്‍കി .
ഡിട്രോയിറ്റ്‌ മാര്‍ത്തോമാ ഇടവകാംഗങ്ങള്‍ ഉള്‍പ്പെടെ നാല്‌പത്തിയൊന്‌പതു പേര് പുതിയ ഇടവക അനവധിക്കണമെന്നാവശ്യപ്പെട്ട്‌ ഒപ്പിട്ടു നല്‍കിയ അപേക്ഷ കഴിഞ്ഞ മാസം കൂടിയ സഭാ സിനഡ്‌ പരിശോധിച്ചു ബോധ്യപ്പെട്ടതിന്റെ അടിസ്ഥാനത്തില്‍ അംഗീകരിക്കുകയായി രുന്നു. സെന്റ് ജോണ്‍സ്‌ മാര്‍ത്തോമ്മാ കോണ്ഗ്രിഗേഷന് മിഷിഗണ്‍ എന്നാണ്‌ പുതിയ ദേവാലയത്തിന്‌ നല്‍കിയിരിക്കുന്ന പേര് .
ഏപ്രില്‍ മാസം ഏഴു ഞായാറാഴ്‌ച ഇവാന്‍സ്‌വുഡ്‌ ചര്‍ച്ചില്‍ ( 2601 ഋ ടൂൗമൃല ഹമസല ഞറ. ഠൃീ്യ 48085) രാവിലെ 8.30 ന്‌ പ്രഥമ വിശുദ്ധ കുര്‍ബാന ശുശ്രുഷ അര്‍പ്പിക്കും .അമേരിക്കയില്‍ ജനിച്ചുവളര്‍ന്നു സഭാ ശുശ്രുഷയില്‍ പ്രവേശിച്ച റവ ക്രിസ്റ്റഫര്‍ ഡാനിയേല്‍ അച്ചനാണു പുതിയ കോണ്‍ഗ്രിഗേഷന്റെ ചുമതല നല്‍കിയിരിക്കുന്നത്‌
