- Thursday, November 28, 2024
- A biweekly newspaper published from philadelphia , pa.
പമ്ബ: ചിത്തിര ആട്ട പൂജയ്ക്കായി ശബരിമല നട നാളെ തുറക്കാനിരിക്കെ മാധ്യമ പ്രവര്‍ത്തകരെ ഇന്നും പമ്ബയിലേക്ക് കടത്തിവിട്ടില്ല. നട തുറക്കാത്തതിനാല്‍ മാധ്യമങ്ങളെ കടത്തി വിടേണ്ടെന്നാണ് പൊലീസ് നിര്‍ദേശം. പമ്ബയിലേക്ക് കടത്തിവിടുന്നതില്‍ തീരുമാനമായില്ലെന്ന് എസ്പി മഞ്ജുനാഥ് പറഞ്ഞു.
നിലയ്ക്കലിലും പരിസരത്തും കര്‍ശന സുരക്ഷാ സംവിധാനങ്ങളാണ് ഏ‌ര്‍പ്പെടുത്തിയിരിക്കുന്നത്. മാധ്യമങ്ങളെ ഇന്ന് വൈകിട്ട് പമ്ബയിലേക്ക് കടത്തിവിടുമെന്നാണ് നേരത്തെ അറിയിച്ചിരുന്നതെങ്കിലും നാളെ രാവിലെ മാത്രമേ പോകാന്‍ അനുവദിക്കൂ എന്ന് പൊലീസ് അറിയിക്കുകയായിരുന്നു. എന്നാല്‍ ശബരിമലയില്‍ മാധ്യമങ്ങള്‍ക്ക് വിലക്കില്ലെന്നാണ് ദേവസ്വം മന്ത്രി കടകംപള്ളി സുരേന്ദ്രന്‍ ഇന്ന് മാധ്യമങ്ങളോട് പറഞ്ഞത്.
