- Thursday, November 28, 2024
- A biweekly newspaper published from philadelphia , pa.
ന്യൂഡല്‍ഹി: വേഗത്തില്‍ പാന്‍ ലഭിക്കാനായി ഇ-പാന്‍ സേവനത്തിന് തുടക്കം കുറിച്ച്‌ ആദായനികുതി വകുപ്പ്. ആദായ നികുതി വകുപ്പിെന്‍റ പോര്‍ട്ടലില്‍ ലോഗ് ഇന്‍ ചെയ്ത് ഇ-പാന്‍ സംവിധാനം ഉപയോഗപ്പെടുത്താനാകും.
വ്യക്തികള്‍ക്ക് മാത്രമാകും പുതിയ സേവനം ലഭ്യമാകുക. സ്ഥാപനങ്ങള്‍, ട്രസ്റ്റ്, കമ്ബനികള്‍ എന്നിവക്കൊന്നും പുതിയ സേവനം ലഭ്യമാവില്ല.
ആദ്യം വരുന്നവര്‍ക്ക് ആദ്യമെന്ന രീതിയിലാകും ഇ-പാന്‍ സേവനം നല്‍കുകയെന്ന് ആദായ നികുതി വകുപ്പ് വ്യക്തമാക്കി. ഇ-പാന്‍ ലഭിക്കുന്നതിനായി പ്രത്യേകിച്ച്‌ രേഖകളൊന്നും നല്‍കേണ്ടതില്ല.
ആധാര്‍ വിവരങ്ങളുടെ അടിസ്ഥാത്തിലാകും ഇ-പാന്‍ നല്‍കുക. ഇതിനൊപ്പം ഒപ്പ് കൂടി അപ്ലോഡ് ചെയ്യണം. ഇ-പാനിനായി ഒാണ്‍ലൈന്‍ അപേക്ഷ നല്‍കിയതിനുശേഷം ആധാര്‍ നമ്ബറുമായി ബന്ധിപ്പിച്ച മൊബൈല്‍ നമ്ബറിലേക്ക് വരുന്ന ഒ.ടി.പി കൂടി നല്‍കി സേവനം ആരംഭിക്കാന്‍ സാധിക്കും.
മുഴുവന്‍ വിവരങ്ങള്‍ നല്‍കികഴിഞ്ഞാല്‍ പാന്‍ കാര്‍ഡ് നമ്ബര്‍, ആധാറുമായി ബന്ധപ്പിക്കപ്പെട്ടിട്ടുള്ള മൊബൈല്‍ നമ്ബറിലേക്കും ഇ-മെയിലിലേക്കും വരും. പാന്‍ കാര്‍ഡ് എളുപ്പത്തില്‍ നല്‍കുന്നതിനും പേപ്പര്‍രഹിത ഇടപാടുകള്‍ പ്രോല്‍സാഹിപ്പിക്കുന്നതിനുമാണ് ആദായ നികുതി വകുപ്പ് പുതിയ സേവനം അവതരിപ്പിച്ചിരിക്കുന്നത്.
