- Thursday, November 28, 2024
- A biweekly newspaper published from philadelphia , pa.
ശബരിമല മേല്‍ശാന്തിയും (1995-96) ഇപ്പോള്‍ മെരിലാന്‍ഡിലെ ശ്രീ ശിവ വിഷ്‌ണു ക്ഷേത്രത്തിലെ സീനിയര്‍ പൂജാരിയുമായ ഈശ്വരന്‍ നമ്പൂതിരി (71) അന്തരിച്ചു. ഏതാനും നാളായി ലന്‍ഹാമിലെ ഹോസ്‌പിറ്റലില്‍ ചികില്‍സയിലായിരുന്നു. സംസ്‌കാരം നാട്ടില്‍.
ഭാര്യ സാവിത്രി അന്തര്‍ജനം. മരണ സമയത്ത്‌ പുത്രന്മാരായ ക്രുഷ്‌ണകുമാര്‍ ഈശ്വരന്‍ നമ്പൂതിരി, വിഷ്‌ണുകുമാര്‍ ഈശ്വരന്‍ നമ്പൂതിരി എന്നിവര്‍ സമീപത്തുണ്ടായിരുന്നു. ശിവ വിഷ്‌ണു ക്ഷേത്രത്തിലെ പൂജാരി ആണു വിഷ്‌ണു നമ്പൂതിരി.
ചമ്പക്കുളം ചെങ്കിലകത്ത്‌ കല്ലമ്പള്ളി ഇല്ലത്ത്‌ ഈശ്വരന്‍ നമ്പൂതിരിയുടെ പുത്രനാണ്‌. 1976 മുതല്‍ 1985 വരെ നെടുമുടി കൊട്ടാരം ശ്രീഭഗവതി ക്ഷേത്രം മേള്‍ശാന്തി ആയിരുന്നു. 1985-86ല്‍ ശബരിമല മാളികപ്പുറം മേല്‍ശാന്തി. 1995ല്‍ ശ്രീ ശിവ വിഷ്‌ണു ക്ഷേത്ര പ്രതിഷ്‌ഠ,41 കലശം എന്നിവയുടെ പൂജാസംബന്ധിയായ കാര്യങ്ങള്‍ നടത്തി.
2000 മുതല്‍ 2017 വരെ ശ്രീ ശിവ വിഷ്‌ണു ക്ഷേത്രത്തില്‍ മേല്‍ശാന്തി. 2017-19 കാലത്ത്‌ മണ്ഡല മഹോത്സവത്തിന്റെ നേതൃത്വം.
തന്ത്രി, മേല്‍ശാന്തി, ജ്യോതിശാസ്‌ത്ര വിദഗ്‌ധന്‍, എന്നീ നിലകളില്‍ അറിയപ്പെട്ടു. ദക്ഷിണേന്ത്യയിലെ അനേകം ക്ഷേത്രങ്ങളില്‍ പ്രതിഷ്‌ഠ, ധ്വജ പ്രതിഷ്‌ഠ,മറ്റു പൂജാകാര്യങ്ങള്‍ എന്നിവ നടത്തി. 2017ല്‍ ഫ്‌ലോറിഡയിലെ ടാമ്പയിലുള്ള അയ്യപ്പ ക്ഷേത്ര പ്രതിഷ്‌ഠ നടത്തി.
വാസ്‌തുശാസ്‌ത്ര വിദ്‌ഗ്‌ദന്‍, കര്‍ഷകന്‍, കേരള യോഗക്ഷേമ സഭ ജനറല്‍ സെക്രട്ടറി, താന്ത്രിക പൂജാ അധ്യാപകന്‍ എന്നീ നിലകളില്‍ പ്രാവീണ്യം തെളിയിയിച്ചു.
ഫെബ്രുവരി 5 ബുധനാഴ്‌ച വൈകിട്ട്‌ അഞ്ചുമണിമുതല്‍ ഒന്‍പതു മണിവരെ മൃതദേഹം പൊതുദര്‌ശനത്തിനായി താഴെ കൊടുത്തിരിക്കുന്ന അഡ്രസ്സില്‍ വെക്കുന്നതാണ്‌ . അന്തിമ മരണാന്തര കര്‍മ്മങ്ങള്‍ അദ്ദേഹത്തിന്റെ കേരളത്തിലുള്ള വസതിയില്‍ വച്ച്‌ നടത്തുന്നതാണ്‌ എന്ന്‌ ക്ഷേത്ര ഭാരവാഹികള്‍ അറിയിച്ചു.
Viewing Information
Date & Time: Wednesday, February 5, 2020 from 5 P-M to 9 P-M
Location: Donaldson Funeral Home
1411 Annapolis Road, Odenton, MD 21113 USA
