- Thursday, November 28, 2024
- A biweekly newspaper published from philadelphia , pa.
എഫ് എ കപ്പ് സെമി ഫൈനലുകള്‍ക്കുള്ള തിയ്യതികള്‍ പ്രഖ്യാപിച്ചു. ആദ്യ സെമി ഫൈനല്‍ മത്സരത്തില്‍ മാഞ്ചസ്റ്റര്‍ യുണൈറ്റഡ് ടോട്ടന്‍ഹാമിനെ നേരിടും. ഏപ്രില്‍ 21നാണ് മത്സരം. ബ്രൈറ്റനെ ഏകപക്ഷീയമായ രണ്ടു ഗോളുകള്‍ക്ക് തോല്‍പ്പിച്ചാണ് മാഞ്ചസ്റ്റര്‍ യുണൈറ്റഡ് സെമി ഉറപ്പിച്ചത്. ടോട്ടന്‍ഹാം ആവട്ടെ സ്വാന്‍സി സിറ്റിയെ ഏകപക്ഷീയമായ 3 ഗോളുകള്‍ക്ക് മറികടന്നാണ് സെമി ഫൈനലിലെത്തിയത്.
ചെല്‍സി സൗത്താംപ്ടണ്‍ രണ്ടാം സെമി ഫൈനല്‍ മത്സരം ഏപ്രില്‍ 22 ഞായറാഴ്ച്ച നടക്കും. ലെസ്റ്ററിനെ 2-1ന് മറികടന്നാണ് ചെല്‍സി സെമി ഫൈനല്‍ ഉറപ്പിച്ചത്. വീഗന്‍ അത്ലറ്റിക്കിനെ ഏകപക്ഷീയമായ രണ്ടു ഗോളുകള്‍ക്ക് തോല്‍പ്പിച്ചാണ് സൗത്താംപ്ടണ്‍ സെമി ഫൈനല്‍ യോഗ്യത നേടിയത്.
വെംബ്ലി സ്റ്റേഡിയത്തില്‍ വെച്ചാണ് മത്സരങ്ങള്‍ നടക്കുക. മത്സരത്തില്‍ വീഡിയോ അസിസ്റ്റന്റ് റഫറി സംവിധാനം ഉണ്ടാവുമെന്ന് ഇംഗ്ലീഷ് ഫുട്ബോള്‍ അസോസിയേഷന്‍ പ്രഖ്യാപിച്ചിട്ടുണ്ട്.
