- Thursday, November 28, 2024
- A biweekly newspaper published from philadelphia , pa.
കഴിവുണ്ടായിട്ടും അവസരം ലഭിക്കാതെ സാധാരണ ജീവിതത്തിലേക്ക് ഒതുങ്ങി കൂടുന്ന അനേകം കലാകാരന്മാര്‍ ഉണ്ട്. എന്നാല്‍ സോഷ്യല്‍ മീഡിയയുടെ വരവ് ഒട്ടേറെയാളുകള്‍ അരങ്ങിലേക്ക് വരാനുണ്ടായ അവസരങ്ങള്‍ ഒരുക്കി നല്‍കി. അത്തരം ഒരു കലാകാരനാണ് നൂറനാട് തടിപ്പണിക്കാരനായ രാകേഷ്.
പണിസ്ഥലത്ത് ഇരുന്ന് രാകേഷ് പാട്ട് പാടുന്ന വീഡിയോ സോഷ്യല്‍ മീഡിയയില്‍ വ്യാപകമായി പ്രചരിച്ചിരുന്നു. പാട്ട് ആവര്‍ത്തിച്ച്‌ കേട്ടവര്‍ അത് ഷെയര്‍ ചെയ്യുകയും ചെയ്തതോടെ ഒറ്റ രാത്രി കൊണ്ട് രാകേഷ് താരമായി മാറി. ഇപ്പോഴിതാ രാകേഷിനെ കൊണ്ട് പാടിക്കാന്‍ താത്പര്യം പ്രകടിപ്പിച്ച്‌ മുന്നോട്ട് എത്തിയിരിക്കുകയാണ് സംഗീത സംവിധായകന്‍ ഗോപി സുന്ദര്‍. തനിക്ക് ഈ ഗായകനെ കൊണ്ട് ഒരു പാട്ട് പാടിക്കണമെന്ന് ആഗ്രഹമുണ്ടെന്നും, ഇദ്ദേഹത്തെ കണ്ടെത്താന്‍ സഹായിക്കണമെന്നുമാണ് ഗോപി സുന്ദര്‍ വീഡിയോ ഷെയര്‍ ചെയ്തു കൊണ്ട് ആവശ്യപ്പെട്ടത്.
