- Thursday, November 28, 2024
- A biweekly newspaper published from philadelphia , pa.
സെഞ്ചൂറിയന്‍: അവസാന ഏകദിനത്തില്‍ നായകന്‍ വിരാട് കോഹ്‌ലിയുടെ സെഞ്ചുറിയോടെ ദക്ഷിണാഫ്രിക്കയ്‌ക്കെതിരെ ഇന്ത്യയുടെ അഞ്ചാം ജയം. രണ്ടു വിക്കറ്റ് നഷ്ടത്തില്‍ ദക്ഷിണാഫ്രിക്കയുടെ 205 റണ്‍സിന്റെ വിജയലക്ഷ്യം ഇന്ത്യ അനായാസമായി മറികടന്നു.
ദക്ഷിണാഫ്രിക്കയ്ക്ക്, 17 വർഷത്തിനിടെ സ്വന്തം മണ്ണിൽ ഏറ്റവും നാണംകെട്ട പരമ്പര തോൽവി. ആ തോൽവിയുടെ കുഴിമാടത്തിൽ പൂശിയ അവസാനത്തെ തുള്ളി കുമ്മായമായിരുന്നു ഇന്ത്യയുടെ ഇന്നലത്തെ വിജയം. 2001–02ൽ ഓസ്ട്രേലിയയോട് 5–1നു തോറ്റതായിരുന്നു ഇതിനു മുൻപത്തെ ദക്ഷിണാഫ്രിക്കയുടെ വൻ തോൽവി.
ടോസ് നഷ്ടപ്പെട്ട ബാറ്റിങ്ങിനിറങ്ങിയ ദക്ഷിണാഫ്രക്കയെ 46.2 ഓവറില്‍ 204 റണ്‍സിന് ഇന്ത്യന്‍ ബൗളര്‍മാര്‍ പുറത്താക്കി. അര്‍ധസെഞ്ച്വറി നേടിയ സോണ്ടോ (74 പന്തില്‍ 54 റണ്‍സ്) മാത്രമാണ് ദക്ഷിണാഫ്രിക്കന്‍ നിരയില്‍ ഭേദപ്പെട്ട പ്രകടനം പുറത്തെടുത്തത്.
