- Thursday, November 28, 2024
- A biweekly newspaper published from philadelphia , pa.
ഗോവ: ഐഎസ്എല്‍ നാലാം സീസണില്‍ സെമി കാണാതെ കേരള ബ്ലാസ്‌റ്റേഴ്‌സ് പുറത്ത്. ഗോവയിലെ ജവഹര്‍ ലാല്‍ നെഹ്‌റു സ്‌റ്റേഡിയത്തില്‍ നടന്ന ഗോവ-കൊല്‍ക്കത്ത മത്സരത്തില്‍ ഗോവ വിജയം പിടിച്ചെടുത്തതോടെയാണ്‌ ബ്ലാസ്‌റ്റേഴ്‌സിന് പുറത്തേക്കുള്ള വഴി തുറന്നത്. ബെംഗളൂരുവിനെതിരെ നടക്കാനിരിക്കുന്ന അവസാന മത്സരത്തില്‍ വിജയിച്ചാലും ബ്ലാസ്‌റ്റേഴ്‌സിന് ഇനി സെമിയിലെത്താന്‍ സാധിക്കില്ല. സെമി ഉറപ്പിക്കാന്‍ ഗോവയ്ക്ക് ഏറെ നിര്‍ണായകമായ മത്സരത്തില്‍ ഒന്നിനെതിരെ അഞ്ചു ഗോളുകള്‍ക്കാണ് കൊല്‍ക്കത്തയ്‌ക്കെതിരെ ആതിഥേയരുടെ വിജയം.
സ്വന്തം തട്ടകത്തിൽ നടന്ന മൽസരത്തിൽ എഫ്‌സി ഗോവ എതിരാളികളെ ഗോൾമഴയിൽ മുക്കുകയായിരുന്നു. ഗോവയ്ക്ക് വേണ്ടി സെർജിയോ ജസ്റ്റി (10), മാനുവൽ ലാൻസറോട്ടെ (15, 21), കോറോ (64), സിഫ്‌നിയോസ് (90) എന്നിവർ ലക്ഷ്യം കണ്ടപ്പോൾ കൊൽക്കത്തയുടെ ആശ്വാസ ഗോൾ റോബി കീൻ (87) ആണ് നേടിയത്. ഇതോടെ 17 കളികളിൽ നിന്ന് 27 പോയിന്റമായി ഗോവ പോയിന്റ് പട്ടികയിൽ നാലാം സ്ഥാനത്തേക്ക് ഉയർന്നു. മാർച്ച് നാലിന് ജംഷഡ്പൂർ എഫ്‌സിയുമായുള്ള ഗോവയുടെ കളി നിർണ്ണായകമായി.
