- Thursday, November 28, 2024
- A biweekly newspaper published from philadelphia , pa.
കൊച്ചി: ഐഎസ്‌എല്ലില്‍ ചെന്നൈയ്ന്‍ എഫ്സിയോട് ഗോള്‍രഹിത സമനിലയില്‍ പിരിഞ്ഞ ബ്ലാസ്റ്റേഴ്സിന് പുറത്തേക്കു വഴിതെളിഞ്ഞു. അവസാന ഹോം മത്സരത്തില്‍ നിരവധി സുവര്‍ണാവസരങ്ങള്‍ ലഭിച്ചിട്ടും ഒന്നുപോലും ഗോളാക്കാന്‍ കഴിയാതെ ബ്ലാസ്റ്റേഴ്സ് സ്വയം കുഴിതോണ്ടുകയായിരുന്നു. സീസണിലെ ഏഴാം സമനിലയിലാണ് ബ്ലാസ്റ്റേഴ്സ് കുരുങ്ങിയത്. കളിയുടെ ആദ്യ പകുതിയില്‍ സി.കെ വിനീത്, രണ്ടാം പകുതിയില്‍ റിനോ ആന്‍റോ, ബാല്‍ഡ്വിന്‍സണ്‍, പെക്കൂസണ്‍... നിരവധി അവസരങ്ങളാണ് കേരളം തുലച്ചത്.
നിർഭാഗ്യം കേരളാ ബ്ലാസ്റ്റേഴ്സിനെ പൊതിഞ്ഞുനിന്ന ദിവസമായിരുന്നു ഇത്. ഇൻജുറി ടൈമിൽ ഗ്രിഗറി നെൽസന്റെ ഷോട്ട് പോസ്റ്റിലിടിച്ചു മടങ്ങിയത് മറക്കുന്നില്ല. എങ്കിലും അതിനു മുൻപ് എത്രയോ സുവർണാവസരങ്ങളാണ് ബ്ലാസ്റ്റേഴ്സ് താരങ്ങൾ പാഴാക്കിയത്! പെനൽറ്റി നഷ്ടത്തിനു പുറമെ, പോസ്റ്റിലിടിച്ചു മടങ്ങിയ സി.കെ. വിനീതിന്റെ ഷോട്ടും ചെന്നൈയിൻ ഗോൾകീപ്പർ കരൺജിത് സിങ്ങിന്റെ മാന്ത്രിക കരങ്ങൾ തടഞ്ഞുനിർത്തിയ ബാൾഡ്‌വിൻസന്റെ രണ്ട് കരുത്തൻ ഷോട്ടുകളുമുണ്ട്, ഈ മൽസരത്തിൽ ബ്ലാസ്റ്റേഴ്സ് ആരാധകർക്ക് വേദനയോടെ ഓർമിക്കാൻ.
