- Thursday, November 28, 2024
- A biweekly newspaper published from philadelphia , pa.
മുതിര്‍ന്ന കോണ്‍ഗ്രസ്‌ നേതാവും മുന്‍ കേന്ദ്ര മന്ത്രിയുമായ എസ്.ജയ്‌പാല്‍ റെഡ്ഡി (77) അന്തരിച്ചു. ന്യുമോണിയ ബാധിച്ചു ചികിത്സയില്‍ കഴിയുന്നതിനിടെ ഞായറാഴ്‌ച പുലര്‍ച്ചെ ഒന്നരയോടെ ഹൈദരാബാദിലെ സ്വകാര്യ ആശുപത്രിയിലായിരുന്നു അന്ത്യം.
വിദ്യാര്‍ഥി പ്രസ്ഥാനത്തിലൂടെയായിരുന്നു തെലങ്കാനയില്‍ ജനിച്ച എസ്.ജയ്‌പാല്‍ റെഡ്ഡിയുടെ രാഷ്ട്രീയ ജീവിതത്തിനു തുടക്കം. നാലു തവണ എംഎല്‍എയും, അഞ്ച്‌ തവണ ലോക്‌സഭാ എംപിയും രണ്ടു തവണ രാജ്യസഭാ എംപിയുമായി. അടിയന്തരാവസ്ഥക്കാലത്ത്‌ കോണ്‍ഗ്രസ്‌ വിട്ടു ജനതാ ദളില്‍ എത്തി. 1980�ല്‍ മേഡക്കില്‍ ഇന്ദിരാഗാന്ധിക്കെതിരെ മത്സരിച്ചെങ്കിലും പരാജയപ്പെട്ടു. 1985 മുതല്‍ 1988 വരെ പാര്‍ട്ടിയുടെ ജനറല്‍ സെക്രട്ടറിയായിരുന്നു.
ജനതാ ദളുകളുടെ തകര്‍ച്ചയ്‌ക്കു ശേഷം കോണ്‍ഗ്രസില്‍ തിരിച്ചെത്തി. പിന്നീട്‌ കോണ്‍ഗ്രസിന്റെ വക്‌താവായി. ഒന്നാം മന്‍മോഹന്‍ മന്ത്രിസഭയില്‍ നഗരവികസനം, സാംസ്‌കാരിക വകുപ്പുകള്‍ കൈകാര്യം ചെയ്‌തു. രണ്ടാം മന്‍മോഹന്‍ സര്‍ക്കാരില്‍ പെട്രോളിയം, ശാസ്‌ത്രസാങ്കേതികം തുടങ്ങിയ വകുപ്പുകളുടെ ചുമതലയും വഹിച്ചു.
