- Thursday, November 28, 2024
- A biweekly newspaper published from philadelphia , pa.
നെടുമ്ബാശേരി: ജെറ്റ് എയര്‍വെയ്സ് നിരക്ക് കുറച്ചു. യൂറോപ്പിലെ 28 സ്ഥലങ്ങളിലേക്കുള്ള ടിക്കറ്റ് നിരക്കില്‍ 10 മുതല്‍ 20 ശതമാനം വരെയാണ് ഇളവ് പ്രഖ്യാപിച്ചത്. ഇളവ് പ്രഖ്യാപിച്ചിരിക്കുന്നത് കമ്ബനിയുടെ കോഡ് ഷെയര്‍ പങ്കാളികളായ എയര്‍ ഫ്രാന്‍സ്, കെഎല്‍എം റോയല്‍ ഡച്ച്‌ എയര്‍ലൈന്‍സ് എന്നിവരുമായി ചേര്‍ന്നാണ്. ഫെബ്രുവരി 28ന് പതി നഞ്ച് ദിവസം നീണ്ടു നില്‍ക്കുന്ന സൗജന്യ നിരക്കിലുള്ള ടിക്കറ്റ് വില്‍പ്പന ആരംഭിച്ചു.
പ്രീമിയര്‍ ക്ലാസില്‍ ഒരു വശത്തേക്കോ, റിട്ടേണ്‍ യാ ത്രയ്ക്കോ ടിക്കറ്റ് ബുക്ക് ചെയ്യാം. യാത്ര ഉടനെ തന്നെയോ, ഏപ്രിന്‍ 30 ന് മുന്‍പോ നടത്താവുന്നതാണ്. മടക്കയാത്രാ ടിക്കറ്റിന് മൂന്ന് മാസം വരെ കാലാവധി ഉണ്ടായിരിക്കും. മാത്രമല്ല 10 ശതമാനം ഇളവ് തെരഞ്ഞെടുക്കപ്പെട്ട വിമാനത്താവളങ്ങളില്‍ നിന്ന് ആംസ്റ്റര്‍ഡാം, പാരീസ് എന്നീ നഗരങ്ങളിലേക്കുള്ള യാത്രയ്ക്ക് ലഭിക്കും.
ടിക്കറ്റ് നിരക്കില്‍ 20 ശതമാനം ഇളവ് ലഭിക്കുക ഏതന്‍സ്, ബാഴ്സലോണ, ബെര്‍ലിന്‍, ബര്‍മിംഗം, ബോര്‍ഡാക്സ്, ബ്രസല്‍സ്, ബുഡാപെസ്റ്റ്, കോപ്പന്‍ഹേഗന്‍, ഡുബ്ളിന്‍, ഫ്രാങ്ക്ഫര്‍ട്ട്, ജനീവ ,ഹെല്‍സിങ്കി, ലിസ്ബണ്‍, മാഡ്രിഡ്, മാഞ്ചസ്റ്റര്‍, മിലന്‍, മ്യൂണിച്ച്‌, നീസ് ,ഓസ് ലോ, പ്രാഗ്, റോം, സ്റ്റോക്ഹോം, വെനീസ് , വീയെന്ന, വാഴ്സോ, സുറിച്ച്‌ എന്നീ സ്ഥലങ്ങളിലേക്കാണ്.
