- Thursday, November 28, 2024
- A biweekly newspaper published from philadelphia , pa.
തിരുവനന്തപുരം: രാജ്യത്തെ മികച്ച പൊലീസ് സേനകളില്‍ ഒന്നായ കേരള പോലീസ് മറ്റൊരു അഭിമാനകരമായ നേട്ടം കൂടി കൈവരിച്ചിരിക്കുകയാണ്. ഫേസ്ബുക്കിലെ ഏറ്റവും കൂടുതല്‍ ലൈക്ക്‌ നേടിയ ഇന്ത്യയിലെ ഒന്നാമത്തെ പൊലീസ് പേജ് എന്ന ഖ്യാതി ഇനി മുതല്‍ കേരള പൊലീസിന് സ്വന്തം. ബാംഗ്ലൂര്‍ സിറ്റി പൊലീസിന്റെ 6.26 ലക്ഷത്തെ മറികടന്നാണ് കേരളാ പൊലീസ് ഒന്നാമത് എത്തിയിരിക്കുന്നത്.
ആശയ സംവേദനത്തിന്റെ നവ മാദ്ധ്യമ സാധ്യതകളെ പ്രയോജനപ്പെടുത്തി മെച്ചപ്പെട്ട സേവനം പ്രദാനം ചെയ്യാന്‍ കേരള പൊലീസ് നടത്തുന്ന പരിശ്രമങ്ങള്‍ക്ക് ജനങ്ങള്‍ നല്‍കുന്ന പിന്തുണയും കരുത്തുമാണ് ഈ നേട്ടത്തിനു പിന്നിലെന്ന് കേരള പൊലീസ് പറഞ്ഞു. കേരള പൊലീസിനെ നെഞ്ചിലേറ്റിയ പ്രിയപ്പെട്ടവര്‍ക്ക് നന്ദിയറിയിക്കുന്നുവെന്നും അവര്‍ തങ്ങളുടെ ഒൗദ്യോഗിക ഫേസ്ബുക്ക് പേജില്‍ കുറിച്ചു.
മൂന്ന് കോടിയില്‍പരം ജനങ്ങളുള്ള കേരളത്തില്‍ പൊലീസിന്റെ മാര്‍ഗ നിര്‍ദ്ദേശങ്ങളും മുന്നറിയിപ്പുകളും കൂടുതല്‍ പേരിലേക്ക് എത്തിക്കുന്നതിനായി ഈ പേജ് കൂടുതല്‍ ജനകീയമാക്കുന്നതിന് പ്രിയപ്പെട്ട 'ചങ്കുകളുടെ' സഹകരണം തുടര്‍ന്നും പ്രതീക്ഷിക്കുന്നുവെന്നും കേരള പൊലീസ് പറഞ്ഞു.
