- Thursday, November 28, 2024
- A biweekly newspaper published from philadelphia , pa.
കോട്ടയത്ത് കൊല്ലപ്പെട്ട കെവിന്റെ മൃതദേഹം ഇന്ന് പോസ്റ്റ് മോര്‍ട്ടം നടത്തും. പോസ്റ്റ്മോര്ട്ടം നടപടികള്‍ പൂര്‍ണമായും വീഡിയോയില്‍ ചിത്രീകരിക്കും. തുടര്‍ന്ന് ബന്ധുക്കള്‍ക്ക് വിട്ടുകൊടുക്കുന്ന മൃതദേഹം കോട്ടയം ഗുഡ് ഷെപ്പേര്‍ഡ് പള്ളി സെമിത്തേരിയില്‍ സംസ്‌കരിക്കും.
രാവിലെ ഒന്‍പതോടെ കെവിന്റെ മൃതദേഹം കണ്ടെത്തിയശേഷവും ഇന്‍ക്വസ്റ്റ് നടപടികള്‍ക്ക് പൊലീസ് വേഗം കൂട്ടിയിരുന്നുവെങ്കില്‍ പോസ്റ്റ്മോര്ട്ടം ഇന്നലെ തന്നെ പൂര്‍ത്തീകരിക്കാമായിരുന്നു. സാരമായി പരിക്കുകളുള്ള കെവിന്റെ മൃതദേഹം ആംബുലന്‍സില്‍ കോട്ടയത്ത് എത്തിച്ചപ്പോള്‍ സമയം വൈകിട്ട് 5.30. പകല്‍വെളിച്ചമില്ലാത്തതിനാല്‍ പോസ്റ്റ്മോര്ട്ടം നടന്നില്ല. തുടര്‍ന്ന് പോസ്റ്റ് മോര്‍ട്ടത്തിന്റെ വീഡിയോ ദൃശ്യങ്ങള്‍ പകര്‍ത്തണമെന്ന ആവശ്യം കോണ്‍ഗ്രസ് നേതാക്കള്‍ ഉന്നയിച്ചു.
ഇന്ന് രാവിലെ 9 മണിയോടെ ആര്‍ഡിഓയുടെ സാന്നിധ്യത്തില്‍ കെവിന്റെ പോസ്റ്റ് മോര്‍ട്ടം നടപടികള്‍ ആരംഭിക്കും. തുടര്‍ന്ന് ബന്ധുക്കള്‍ക്ക് വിട്ടുനല്‍കുന്ന മൃതദേഹം വൈകിട്ട് 3.30ന് കോട്ടയം ഗുഡ് ഷെപ്പേഡ് പള്ളി സെമിത്തേരിയില്‍ സംസ്‌കരിക്കും.
