- Thursday, November 28, 2024
- A biweekly newspaper published from philadelphia , pa.
കുഞ്ചാക്കോ ബോബനെ നായകനാക്കി മാര്‍ത്താണ്ഡന്‍ സംവിധാനം ചെയ്യുന്ന ജോണി ജോണി യെസ് അപ്പാ നാളെ തിയേറ്ററുകളിലെത്തും. ആത്മബന്ധങ്ങളുടെ കഥ പറയുന്ന ചിത്രം നര്‍മ്മത്തില്‍ ചാലിച്ചാണ് അവതരിപ്പിച്ചിരിക്കുന്നത്. നര്‍മ്മത്തിന് പ്രാധാന്യം നല്‍കിയെടുത്ത ഈ കുടുംബചിത്രം പറയുന്നത് ഒരപ്പന്റെയും മൂന്ന് ആണ്‍മക്കളുടെയും കഥയാണ്. ജോണിയുടെ ജീവിതത്തിലേക്ക് ആദം എന്ന കൊച്ചു കഥാപാത്രം കടന്നു വരുന്നതും ഇത് ജോണിയുടെ ജീവിതത്തില്‍ ഉണ്ടാക്കുന്ന സംഭവ വികാസങ്ങളും വഴിത്തിരിവുകളുമാണ് ചിത്രം. കണ്ണൂരിന്റെ പശ്ചാത്തലത്തിലാണ് ചിത്രം ഒരുക്കിയിരിക്കുന്നത്.
ചിത്രത്തില്‍ ടിനി ടോം ഷറഫുദ്ദീന്‍ എന്നിവര്‍ ശക്തമായ കഥാപാത്രത്തെ അവതരിപ്പിക്കുന്നു.ഇരുവരും കുഞ്ചാക്കാ ബോബന്റെ സഹോദരങ്ങളായാണ് എത്തുന്നത്. ജോണി എന്നാണ് കുഞ്ചാക്കോയുടെ കഥാപാത്രത്തിന്റെ പേര്. ഗീതയാണ് ഇവരുടെ അമ്മയായി വേഷമിടുന്നത്. നാല് വര്‍ഷത്തെ ഇടവേളയ്ക്ക് ശേഷം ഗീത മലയാള സിനിമയിലേക്ക് തിരിച്ച്‌ വരുന്ന ചിത്രമാണിത്.
അനു സിത്താരയാണ് നായിക. വെള്ളിമൂങ്ങയ്ക്ക് ശേഷം ജോജി തോമസ് തിരക്കഥ രചിക്കുന്ന ചിത്രം നിര്‍മ്മിക്കുന്നത് വൈശാഖ് രാജനാണ്. ഷാന്‍ റഹമാനാണ് സംഗീത സംവിധാനം.
