- Thursday, November 28, 2024
- A biweekly newspaper published from philadelphia , pa.
സങ്കീര്‍ണമായൊരു പ്രവാസ പ്രണയത്തിന്റെ ദുരന്ത പര്യവസാനം പറയുന്ന ചലച്ചിത്രം മണല്‍ഭൂമിയുടെ ട്രെയിലര്‍ റിലീസ്‌ ചെയ്‌തു. ട്രെയിലറിന്റെ സ്വിച്ച്‌ ഓണ്‍ കര്‍മ്മം ടാര്‍ജെറ്റ്‌ ചെയര്‍മാന്‍ പി എസ് കൃഷ്‌ണനാണ്‌ നിര്‍വഹിച്ചത്‌.
സ്‌ക്രീന്‍ ലവേഴ്‌സിന്റെ ബാനറില്‍ കലാശ്രീ അഷ്‌റഫ്‌ കാളത്തോട്‌ കഥയും തിരക്കഥയും, സംഭാഷണവും ഗാന രചനയും സംഗീതവും സംവിധാനവും നിര്‍വ്വഹിച്ച മണല്‍ഭൂമി ആടുജീവിതങ്ങള്‍ക്കും പത്തേമാരികള്‍ക്കും അപ്പുറം പുതിയ കാലത്തിന്റെ ഗള്‍ഫ്‌ പ്രവാസമാണ്‌. സമ്പന്നവല്‍ക്കരിക്കപ്പെട്ടവരും ഇടത്തരക്കാരും അവര്‍ക്കിടയിലെ വലിപ്പ ചെറുപ്പങ്ങളും കൊമ്പുകോര്‍ക്കുന്ന ഉദ്വേഗഭരിതമായ നിമിഷങ്ങളാണ്‌ മണല്‍ഭൂമിയുടെ കഥയുടെ പശ്ചാത്തലം.
സ്‌ത്രീ കഥാപാത്രങ്ങള്‍ക്കു പ്രാമുഖ്യമുള്ള മണല്‍ഭൂമിയിലെ പ്രധാന റോളില്‍ പ്രശസ്‌ത നടി സജിത മഠത്തിലും, ട്രീസ വില്‍സനും, മഞ്‌ജുവുമാണ്‌ അഭിനയിക്കുന്നത്‌, നായകനായി കലാശ്രീ ബാബു ചാക്കോളയും, സജീവ്‌ പീറ്ററും, കുമാര്‍ തൃത്താലയും ജസയും പ്രധാന റോളില്‍ അഭിനയിക്കുന്ന ഈ ചിത്രത്തില്‍ ആറ്‌ പാട്ടുകളാണുള്ളത്‌.
