- Thursday, November 28, 2024
- A biweekly newspaper published from philadelphia , pa.
ഹൈദരാബാദ്: ( 05.06.2018) പെട്രോളിന് എട്ട് മാസം കൊണ്ട് കുറവ് വന്ന മുഴുവന്‍ തുകയും മോദിയുടെ ദുരിതാശ്വാസ നിധിയിലേക്ക് സംഭാവന ചെയ്ത് ഒരാള്‍ മാതൃകയായി. വി ചന്ദ്രയ്യ എന്ന ആളാണ് കുറവ് വന്ന തുക മോദിയുടെ ദുരിതാശ്വാസ നിധിയിലേക്ക് സംഭാവന ചെയ്തത്. പ്രജവാണി പരിപാടിക്കിടെ ജില്ലാ കലക്ടര്‍ക്ക് ഇയാള്‍ ഒമ്ബത് പൈസയുടെ ചെക്ക് കൈമാറി.
അടിക്കടിയുള്ള ഇന്ധനവില വര്‍ധനയ്‌ക്കെതിരെ തെലങ്കാനയില്‍ നിന്നുമാണ് വേറിട്ട പ്രതിഷേധം ഉയര്‍ന്നിരിക്കുന്നത്. എട്ടുമാസം കൊണ്ട് 20 രൂപയ്ക്കടുത്ത വര്‍ധന ഉണ്ടായിട്ടും പെട്രോള്‍ വിലയില്‍ വന്ന കുറവ് നാമമാത്രമാണ്. ഒമ്ബത് പൈസയുടെ കുറവാണുണ്ടായതെന്ന് അദ്ദേഹം പറയുന്നു.
ജനങ്ങളുടെ കണ്ണില്‍ പൊടിയിടാന്‍ കുറച്ച ഒമ്ബത് പൈസ ആവശ്യമില്ലെന്നും പ്രധാനമന്ത്രിയുടെ ദുരിതാശ്വാസനിധിയിലേക്ക് സംഭാവന ചെയ്യുകയാണെന്നും ഇയാള്‍ പറഞ്ഞു.
