- Thursday, November 28, 2024
- A biweekly newspaper published from philadelphia , pa.
താന്‍ രാജ്യത്തെ കക്കൂസുകളുടെ കാവല്‍ക്കാരനെന്നും അതിലൂടെ രാജ്യത്തെ സ്‌ത്രീകളെ സംരക്ഷിക്കുകയാണെന്നും പ്രധാനമന്ത്രി നരേന്ദ്രമോദി. ലോക്‌സഭാ തിരഞ്ഞെടുപ്പിന്റെ ഭാഗമായി പൊതുജനങ്ങളെ അഭിസംബോധന ചെയ്‌ത്‌ സംസാരിക്കുകയായിരുന്നു അദ്ദേഹം.
'ഞാന്‍ രാജ്യത്തെ കക്കൂസുകളുടെ കാവല്‍ക്കാരനാണ്‌ എന്നതില്‍ ഞാന്‍ അഭിമാനിക്കുന്നു. കക്കൂസുകളുടെ കാവല്‍ക്കാരനാകുന്നതിലൂടെ കോടിക്കണക്കിന്‌ വരുന്ന ഹിന്ദുസ്ഥാനി സ്‌ത്രീകളുടെ അഭിമാനമാണ്‌ സംരക്ഷിക്കുന്നത്‌. ഒരു കോണ്‍ഗ്രസ്‌ നേതാവ്‌ രണ്ട്‌ ദിവസം മുന്‍പ്‌ എന്നെ കക്കൂസുകളുടെ കാവല്‍ക്കാരനെന്ന്‌ വിളിച്ചിരുന്നു. ഇത്തരം പ്രസ്‌താവനകള്‍ ശുചിത്വജോലിക്കാരെ അപമാനിക്കുന്നതാണ്‌. എനിക്കെതിരേ നടത്തുന്ന ഇത്തരം കളിയാക്കലുകളെ ഞാന്‍ അലങ്കാരമായി കാണുന്നു.' മോദി പറഞ്ഞു.
