- Thursday, November 28, 2024
- A biweekly newspaper published from philadelphia , pa.
കോഴിക്കോട്; ദേശീയ വോളി വനിതാ ചാമ്പ്യന്‍ഷിപ്പില്‍ കേരള ടീമിനെ തോല്‍പ്പിച്ച് കിരീടം ചൂടിയ റെയില്‍വേസിന് അതേ നാണയത്തില്‍ തിരിച്ചടി നല്‍കി കേരള പുരുഷ ടീം. നാല് സെറ്റുകള്‍ നീണ്ട പുരുഷ ഫൈനല്‍ പോരാട്ടത്തില്‍ ഒന്നിനെതിരെ മൂന്ന് സെറ്റുകള്‍ക്ക് റെയില്‍വേസിനെ തറപറ്റിച്ചാണ് കേരള പുരുഷ ടീം ദേശീയ വോളിബോള്‍ കിരീടം നിലനിര്‍ത്തിയത്. സ്‌കോര്‍: (24-26, 25-23, 25-19, 25-21). കഴിഞ്ഞ തവണയും ഫൈനലില്‍ റെയില്‍വേസിനെ തോല്‍പ്പിച്ചായിരുന്നു കേരളത്തിന്റെ വിജയം..
കഴിഞ്ഞ തവണയും കേരളം റെയില്‍വേസിനെ പരാജയപ്പെടുത്തിയാണ് കിരീടം ചൂടിയത്. ഒരു കളിയില്‍ പോലും പരാജയം മണക്കാതെയാണ് കേരളത്തിന്റെ കിരീടനേട്ടം. വനിതാ ടീം പത്താം തവണയും റെയില്‍വേസിനോട് പരാജയം ഏറ്റുവാങ്ങിയ നിരാശയിലാണ് പുരുഷ ടീമും റെയില്‍വേസിനോട് നേരിടാന്‍ ഇറങ്ങിയത്. മികച്ച ഫോമില്‍ കളിച്ചുവന്ന റെയില്‍വേസ് ആദ്യ സെറ്റ് നേടി ആധിപത്യം നേടുകയും ചെയ്തു. തുടര്‍ന്ന് മൂന്നു സെറ്റുകളും നേടിയാണ് കേരളം കിരീടത്തില്‍ മുത്തമിട്ടത്.
