- Thursday, November 28, 2024
- A biweekly newspaper published from philadelphia , pa.
അമേരിക്കയുടെ പ്രസിഡന്റ്‌ പദവിയിലേക്ക്‌ താന്‍ തിരഞ്ഞെടുക്കപ്പെട്ടത്‌ മുന്‍ പ്രസിഡന്റ്‌ ബരാക്‌ ഒബാമയും വൈസ്‌ പ്രസിഡണ്ട്‌ ജോ ബൈഡനും തങ്ങളുടെ ജോലി ക്രത്യമായി ചെയ്യുന്നതില്‍ തികഞ്ഞ പരാജയമായതിന്നാലാണെന്നു പ്രസിഡന്റ്‌ ഡൊണാള്‍ഡ്‌ ട്രംപ്‌.
പ്രസിഡന്റ്‌ ആകുന്നതിനുമുമ്പുള്ള എന്റെ ജീവിതം ഞാന്‍ വളരെയധികം ഇഷ്‌പ്പെട്ടിരുന്നു. ബരാക്‌ ഒബാമ തന്റെ ഉത്തരവാദിത്തം കൃത്യമായി നിര്‍വഹിക്കാത്തതാണ്‌ ഈ പദവിയിലേക്ക്‌ ഞാനെത്താന്‍ കാരണം. തന്റെ ജോലി ഒബാമ നേരേ ചെയ്‌തില്ല. ജോ ബൈഡന്റെ കാര്യത്തിലും ഇതു തന്നെയാണ്‌ സംഭവിച്ചത്‌. അവര്‍ കൃത്യമായി തങ്ങളുട ഉത്തരവാദിത്തം നിര്‍വ്വഹിച്ചിരുന്നെങ്കില്‍ ഞാന്‍ ഈ പദവിയില്‍ എത്തില്ലായിരുന്നു ട്രംപ്‌ പറഞ്ഞു.
കഴിഞ്ഞ ദിവസം യു.എസ് ഡെമോക്രാറ്റിക്‌ കണ്‍വെന്‍ഷനിന്‍ ഒബാമ നടത്തിയ പ്രസംഗത്തിന്‌ മറുപടി നല്‍കവെയാണ്‌ ട്രംപിന്റെ ഈ പരാമര്‍ശം. ബരാക്‌ ഒബാമ പ്രസിഡന്റായിരുന്ന കാലത്ത്‌ അമേരിക്കന്‍ വൈസ്‌ പ്രസിഡന്റ്‌ സ്ഥാനം വഹിച്ചയാളാണ്‌ ജോ ബൈഡന്‍.
നേരത്തേ ഡൊണാള്‍ഡ്‌ ട്രംപിനെതിരെ വിമര്‍ശനവുമായി ബരാക്‌ ഒബാമയുടെ ഭാര്യ മിഷേല്‍ ഒബാമ രംഗത്തെത്തിയിരുന്നു. രാജ്യത്തിന്‌ ഇതുവരെ ലഭിച്ചതില്‍ വെച്ച്‌ ഏറ്റവും കഴിവുകെട്ട പ്രസിഡന്റാണ്‌ ട്രംപ്‌ എന്നാണ്‌ അവര്‍ പറഞ്ഞത്‌. യു.എസ് ഡെമോക്രാറ്റിക്‌ കണ്‍വെന്‍ഷനെ അഭിസംബോധന ചെയ്യുന്നതിനിടെയായിരുന്നു ട്രംപിനെതിരെയുള്ള തന്റെ നിലപാട്‌ മിഷേല്‍ വ്യക്തമാക്കിയത്‌.
രാജ്യത്തിന്റെ പൊതുനന്മയെ കരുതി നവംബറില്‍ നടക്കുന്ന പ്രസിഡന്റ്‌ തെരഞ്ഞെടുപ്പില്‍ ട്രംപിനെ പരാജയപ്പെടുത്തേണ്ടത്‌ അനിവാര്യമാണെന്നും അവര്‍ പറഞ്ഞു. ഈ തെരഞ്ഞെടുപ്പില്‍ അനിവാര്യമായ മാറ്റം സംഭവിച്ചില്ലെങ്കില്‍ കാര്യങ്ങള്‍ കൈവിട്ടുപോകുമെന്നും മിഷേല്‍ വ്യക്തമാക്കി.
