- Thursday, November 28, 2024
- A biweekly newspaper published from philadelphia , pa.
റഷ്യയില്‍ നടക്കാനിരിക്കുന്ന ഫുട്ബോള്‍ ലോകകപ്പിന്റെ ഗാനത്തിന്റെ ഒഫീഷ്യല്‍ വീഡിയോ പുറത്തിറങ്ങി. "ലീവ് ഇറ്റ് അപ്പ്" എന്ന ഗാനത്തിന്റെ ഒഫീഷ്യല്‍ വീഡിയോയാണ് നിര്‍മാതാക്കള്‍ പുറത്ത് വിട്ടത്. റഷ്യന്‍ ലോകകപ്പിന് മുന്നോടിയായി ഔദ്യോഗിക ഗാനമൊരുക്കിയത് ഹോളിവുഡ് സൂപ്പര്‍ താരവും റാപ്പറുമായ വില്‍ സ്മിത്താണ്. നിക്കി ജാം, കൊസോവന്‍ ഗായികയായ ഏറ ഇസ്ട്രേഫി എന്നിവര്‍ക്കൊപ്പം ചേര്‍ന്നാണ് വില്‍ സ്മിത്ത് റഷ്യന്‍ ലോകകപ്പിനായി ഔദ്യോഗിക ഗാനം ഗാനമൊരുക്കിയത്. നിക്കി ജാം,ഏറ ഇസ്ട്രേഫി,വില്‍ സ്മിത്ത് എന്നിവര്‍ക്കൊപ്പം മ്യൂസിക് പ്രൊഡ്യുസറായി ഡിപ്ലോയുമുണ്ട്. ഇവര്‍ക്കൊപ്പം ഒഫീഷ്യല്‍ വീഡിയോയില്‍ ബ്രസീലിയന്‍ ഫുട്ബോള്‍ ഇതിഹാസം റൊണാള്‍ഡീഞ്ഞ്യോയുമുണ്ട്.
ലോകകപ്പില്‍ പങ്കെടുക്കുന്ന എല്ലാ രാജ്യങ്ങളിലെയും ആരാധകരും മോസ്കോയിലെ ലാഷ്നികി സ്റ്റേഡിയവും കഴിഞ്ഞ ലോകകപ്പുകളുടെ വീഡിയോ ഫൂട്ടേജുകളും വീഡിയോയിലുണ്ട്. മുന്‍ ലോകചാമ്ബ്യനും ഇതിഹാസ താരവുമായ റൊണാള്‍ഡീഞ്ഞ്യോയും മ്യൂസിക് പ്രൊഡ്യുസര്‍ ഡിപ്ലോയും ഈ വീഡിയോയില്‍ തലകാണിക്കുന്നുണ്ട്. അതെ സമയം ഒട്ടേറെ വിമര്‍ശനങ്ങളും ലോകകപ്പിന്റെ ഒഫീഷ്യല്‍ ഗാനം ഏറ്റുവാങ്ങുന്നുണ്ട്.
<iframe width="100%" height="315" src="https://www.youtube.com/embed/V15BYnSr0P8" frameborder="0" allow="autoplay; encrypted-media" allowfullscreen></iframe>
