- Thursday, November 28, 2024
- A biweekly newspaper published from philadelphia , pa.
ഫിലഡൽഫിയ: അറുപതുകളിലും എഴുപതുകളിലും അമേരിക്കയിൽ കുടിയേറി വിശാലഫിലാഡൽഫിയാ റീജിയണിൽ താമസമുറപ്പിച്ച കേരളീയ പാരമ്പര്യത്തിലുള്ള കത്തോലിക്കാ വിശ്വാസികൾ 1978 ൽ ഒത്തുകൂടി ചെറിയ ഒരു അത്മായ സംഘടനയായി തുടക്കമിട്ട ഇൻഡ്യൻ അമേരിക്കൻ കാത്തലിക് അസോസിയേഷൻ (ഐ. എ. സി. എ.) വളർച്ചയുടെ പടവുകൾ കടന്ന് രണ്ടായിരത്തിലധികം വരുന്ന വിശ്വാസികളുടെ ഒരു കൂട്ടായ്മയായി ഇന്ന് തലയുയർത്തി നിൽക്കുന്നു.
ഉപരിപഠനത്തിനും, ഉദ്യോഗത്തിനുമായി അമേരിക്കയിലെത്തിയ ആദ്യതലമുറയിൽപെട്ട സീറോമലബാർ, സീറോമലങ്കര, ക്നാനായ, ലത്തീൻ കുടുംബങ്ങൾ സമൂഹവളർച്ചക്കു നൽകിയിട്ടുള്ള സംഭാവനകൾ വളരെ വലുതാണ്. പ്രവാസജീവിതത്തിൽ മാതൃഭാഷയിൽ ബലിയർപ്പിക്കാൻ വൈദികരോ സ്വന്തം ദേവാലയങ്ങളോ ഇല്ലാതിരുന്ന ഒരു കാലഘട്ടത്തിൽ പതികൂലസാഹചര്യങ്ങളിലൂടെ കഠിനാധ്വാനംചെയ്ത് മൂന്നു നാലു ദശാബ്ദക്കാലം സ്വന്തം കുടുംബത്തെയും
ബന്ധുക്കളെയും അമേരിക്കയിലെത്തിച്ച് അവർക്കു നല്ലൊരു ഭാവിയുണ്ടാക്കികൊടുത്ത ആദ്യതലമുറയിൽപെട്ട മിക്കവരും തന്നെ ഇന്ന് റിട്ടയർമെന്റ് ജീവിതം നയിക്കുന്നവരാണു.
സെക്കന്റ് ജനറേഷനിൽനിന്നും വൈദികരെയും, കന്യാസ്ത്രികളെയും സഭാശുശ്രൂഷക്കായി സംഭാവന നൽകിയിട്ടുള്ള ഇൻഡ്യൻ അമേരിക്കൻ കത്തോലിക്കരുടെ ഇടയിൽനിന്നും ധാരാളം പ്രാഫഷണലുകളെയും
സമൂഹത്തിനു പ്രദാനം ചെയ്ത് അമേരിക്കൻ സമ്പത് വ്യവസ്ഥക്ക് ഒരു മുതൽക്കൂട്ടായിട്ടുണ്ട്.
കേരളീയകസ്തവപൈതൃകവും, പാരമ്പര്യങ്ങളും അമേരിക്കയിലും അഭംഗുരം കാത്തുസൂക്ഷിക്കുന്ന സീറോമലബാർ, സീറോമലങ്കര, ക്നാനായ, ലത്തീൻ എന്നീ ഭാരതീയകത്തോലിക്കർ ഒരേ വിശ്വാസം, പല പാരമ്പര്യങ്ങൾ എന്ന ആപ്തവാക്യത്തിലൂന്നി ഒരേ കുടക്കീഴിൽ ഒത്തുചേർന്ന് ആണ്ടുതോറും നടത്തിവരുന്ന ഇന്ത്യൻ കാത്തലിക് ഹെറിറ്റേജ് ഡേ ആഘോഷങ്ങൾ ഈ വർഷം സെപ്റ്റംബറിൽ നടക്കും.
ഇൻഡ്യൻ അമേരിക്കൻ കാത്തലിക് അസോസിയേഷന്റെ വാർഷിക പൊതുയോഗം 2018 ലേക്കുള്ള പുതിയ ഭരണസമിതിയെ തെരഞ്ഞെടുത്തു. ചാർലി ചിറയത്ത് പ്രസിഡന്റ്, ഫിലിപ് ജോൺ (ബിജു) വൈസ് പ്രസിഡന്റ്, തോമസ്കട്ടി സൈമൺ ജനറൽ സെക്രട്ടറി, മെർലിൻ അഗസ്റ്റിൻ ജോയിന്റ് സെക്രട്ടറി, സണ്ണി പടയാറ്റിൽ ട്രഷറർ, സാമുവേൽ ചാക്കോ ജോയിന്റ് ട്രഷറർ എന്നിവരാണു പുതിയ ഭാരവാഹികൾ.
ഫിലാഡൽഫിയ സെ. ജോൺ ന്യ മാൻ ക്നാനായ കാത്തലിക് മിഷൻ ഡയറക്ടർ റവ. ഫാ. റെന്നി കട്ടേൽ ഡയറക്ടർ ബോർഡ് ചെയർമാനും, സെന്റ് ജൂഡ് സീറോമലങ്കരപള്ളി വികാരി റവ. ഡോ. സജി മുക്കൂട്ട് വൈസ് ചെയർമാനും, സീറോമലബാർ പള്ളി വികാരി റവ. ഫാ. വിനോദ് മഠത്തിപ്പറമ്പിൽ, ഇൻഡ്യൻ ലാറ്റിൻ കാത്തലിക് മിഷൻ ഡയറക്ടർ റവ. ഫാ. ഷാജി സിൽവ, തോമസ് നെടുമാക്കൽ, അലക്സ് ജോൺ, ജോസ് പാലത്തിങ്കൽ, ഓസ്റ്റിൻ ജോൺ, ജോർജ് ഓലിക്കൽ എന്നിവർ ഡയറക്ടർമാരുമായി ഡയറക്ടർ ബോർഡും പുനസംഘടിപ്പിച്ചു.
എക്സിക്യൂട്ടീവ് കമ്മിറ്റിയിലേക്ക് ജോസ് മാളേയ്ക്കൽ, മെർലി ജോസ് പാലത്തിങ്കൽ, അനീഷ് ജയിംസ്, ജോർജ് നടവയൽ, റോമിയോ ഡാൽഫി, ജോസഫ് മാണി, ഫിലിപ് എടത്തിൽ, സേവ്യർ മൂഴിക്കാട്ട് എന്നിവരും തെരഞ്ഞെടുക്കപ്പെട്ടു.
തോമസും,ജോസഫ്സ,ക്കറിയായും ആഡിറ്റർമാരായി ജസ്റ്റിൻ സേവനമനുഷ്ടിക്കും.
