- Thursday, November 28, 2024
- A biweekly newspaper published from philadelphia , pa.
മഴയിലും ഉരുള്‍പൊട്ടലിലും ഉണ്ടായ നാശനഷ്ടങ്ങളെയും കഷ്ടപ്പാടുകളെയും ഒരുമിച്ച്‌ നേരിടാമെന്ന്‌ മുഖ്യമന്ത്രി പിണറായി വിജയന്‍. വയനാട്‌ മേപ്പാടിയില്‍ ദുരിതാശ്വാസ ക്യാമ്പ്‌ സന്ദര്‍ശിച്ചശേഷം സംസാരിക്കുകയായിരുന്നു അദ്ദേഹം. എല്ലായ്‌പ്പോഴും സര്‍ക്കാര്‍ കൂടെയുണ്ടാകുമെന്നും അദ്ദേഹം പറഞ്ഞു.
ദുരന്തത്തെ തുടര്‍ന്ന്‌ സ്ഥലം പോയവരുണ്ട്‌, സ്ഥലവും വീടും പോയവരുണ്ട്‌. കൃഷിനാശം സംഭവിച്ചവരുണ്ട്‌. വീടുകള്‍ക്ക്‌ സാരമായ കേടുപാടുകള്‍ സംഭവിച്ചവരുണ്ട്‌. വീടുകളില്‍ വെള്ളം കയറിയും ചെളികെട്ടിനില്‍ക്കുന്നതുമായ പ്രശ്‌നങ്ങളുമുണ്ട്‌. ഇത്തരം കാര്യങ്ങള്‍ നമുക്കൊരുമിച്ച്‌ പരിഹരിക്കാന്‍ സാധിക്കും. അദ്ദേഹം പറഞ്ഞു.
ഉരുള്‍പൊട്ടലില്‍ കാണാതായ കുറച്ചുപേരെ ഇനിയും കണ്ടെത്താനുണ്ട്‌. അതിനുള്ള ശ്രമം നടക്കുകയാണ്‌. എല്ലാകാര്യത്തിലും സര്‍ക്കാര്‍ കൂടെയുണ്ടാകും. ആവശ്യമായ നടപടികള്‍ സ്വീകരിക്കാന്‍ നാടിനോടൊപ്പം നിന്നുതന്നെ സര്‍ക്കാര്‍ നേതൃത്വം കൊടുക്കും. എല്ലാ കാര്യങ്ങളും നമുക്കൊന്നിച്ച്‌ നേരിടാം. എല്ലാ ബുദ്ധിമുട്ടുകളും കഷ്ടപ്പാടുകളും നമുക്ക്‌്‌ അതിജീവിക്കാം. മുഖ്യമന്ത്രി പറഞ്ഞു.
