- Thursday, November 28, 2024
- A biweekly newspaper published from philadelphia , pa.
രാജ്യത്തിന്റെ അടിസ്ഥാന മൂല്യങ്ങള്‍ സംരക്ഷിക്കാനായി എന്തും ത്യജിക്കാന്‍ തയാറാണെന്ന്‌ യുപിഎ ചെയര്‍പേഴ്‌സണ്‍ സോണിയ ഗാന്ധി. തന്നെ വീണ്ടും തിരഞ്ഞെടുത്ത റായ്‌ബറേലിയിലെ ജനങ്ങള്‍ക്ക്‌ നന്ദി പറഞ്ഞ്‌ എഴുതിയ കത്തിലാണ്‌ സോണിയയുടെ പരാമര്‍ശം.
`എന്റെ ജീവിതം നിങ്ങള്‍ക്കു മുന്നില്‍ ഒരു തുറന്ന പുസ്‌തകമാണ്‌. നിങ്ങളാണ്‌ എന്റെ കുടുംബം. നിങ്ങളില്‍ നിന്നാണ്‌ ഞാന്‍ ശക്തി ആര്‍ജിച്ചത്‌, അത്‌ തന്നെയാണ്‌ എന്റെ സ്വത്തും`, സോണിയ പറഞ്ഞു.
`കോണ്‍ഗ്രസിലെ പൂര്‍വീകര്‍ ഉയര്‍ത്തിപിടിച്ച രാജ്യത്തിന്റെ പാരമ്പര്യവും മൂല്യങ്ങളും സംരക്ഷിക്കാന്‍ എനിക്ക്‌ ലഭിച്ച എന്തും ത്യജിക്കാന്‍ ഞാന്‍ തയാറാണ്‌. വരാനിരിക്കുന്ന ദിവസങ്ങള്‍ കാഠിന്യമേറിയതാണെന്ന്‌ അറിയാം. എന്നാല്‍ നിങ്ങള്‍ അര്‍പ്പിച്ച വിശ്വാസത്തിന്റെയും പിന്‍ബലത്തിന്റെയും ശക്തിയില്‍ കോണ്‍ഗ്രസ്‌ ഏത്‌ വെല്ലുവിളിയും നേരിടും`, സോണിയ പറഞ്ഞു.
റായ്‌ബറേലിയില്‍ ബിജെപിയുടെ പ്രതാപ്‌ സിങിനെ ഒരു ലക്ഷത്തി അറുപത്തേഴായിരം വോട്ടുകള്‍ക്കാണ്‌ സോണിയ പരാജയപ്പെടുത്തിയത്‌. തന്നെ വിജയിപ്പിച്ച റായ്‌ബറേലിയിലെ ജനങ്ങള്‍ക്ക്‌ നന്ദി പറഞ്ഞ സോണിയ വിജയത്തിനായി കഠിന പ്രയത്‌നം നടത്തിയ കോണ്‍ഗ്രസ്‌ പ്രവര്‍ത്തകരെ അനുമോദിക്കുകയും ചെയ്‌തു.
