- Thursday, November 28, 2024
- A biweekly newspaper published from philadelphia , pa.
കോണ്‍ഗ്രസ്‌ അധ്യക്ഷന്‍ രാഹുല്‍ ഗാന്ധിയുടെ പൗരത്വവും മതവും ചോദ്യംചെയ്യപ്പെടുകയാണ്‌. എന്നാല്‍ ഡല്‍ഹി ഹോളി ഫാമിലി ആശുപത്രി അധികൃതര്‍ക്ക്‌ പറയാനുള്ളത്‌ രാഹുലും പ്രിയങ്കയും ജനിച്ചത്‌ ഈ ആശുപത്രിയിലാണ്‌ എന്നതാണ്‌. ഇരുവരുടെയും ജനനരേഖകള്‍ ഇന്നും നിധിപോലെ സൂക്ഷിച്ചിരിക്കുകയാണ്‌ ഹോളിഫാമിലി ആശുപത്രി അധികൃതര്‍.
1970 ജൂണ്‍ 19, ഉച്ചയ്‌ക്ക്‌ 2.28നാണ്‌ രാഹുല്‍ ജനിക്കുന്നത്‌. ആശുപത്രി റെക്കോഡില്‍ കുഞ്ഞിന്റെ പേര്‌ ബേബി ഓഫ്‌ സോണിയാ ഗാന്ധി. കുഞ്ഞു രാഹുലിന്റെ ജനനവിവരങ്ങള്‍ ആശുപത്രിയുടെ രേഖകളില്‍ ഇപ്പോഴും മായാതെ കിടപ്പുണ്ട്‌. ചില സുപ്രധാന വിവരങ്ങളും അതില്‍ ചേര്‍ത്തിട്ടുണ്ട്‌. മതം ഹിന്ദുവെന്നും ഇന്ത്യന്‍ പൗരനെന്നും രേഖപ്പെടുത്തിയിരിക്കുന്നു. കൊച്ചുമകനെ കാണാന്‍ മുത്തശ്ശിയും പ്രധാനമന്ത്രിയുമായ ഇന്ദിരാഗാന്ധി അന്ന്‌ ഓടിയെത്തിയിരുന്നു.
ഡല്‍ഹി അതിരൂപതയ്‌ക്ക്‌ കീഴിലുള്ള ഇതേ ആശുപത്രിയിലാണ്‌ പതിനെട്ടു മാസത്തിന്‌ ശേഷം 1972 ജനുവരി 12ന്‌ പ്രിയങ്കയും ജനിച്ചത്‌.
