- Thursday, November 28, 2024
- A biweekly newspaper published from philadelphia , pa.
വിശ്വാസങ്ങളും ആചാരങ്ങളും സംരക്ഷിക്കപ്പെടണമെന്നാണ്‌ തങ്ങള്‍ ആഗ്രഹിക്കുന്നതെന്ന്‌ കോണ്‍ഗ്രസ്‌ അധ്യക്ഷന്‍ രാഹുല്‍ ഗാന്ധി. വിശ്വാസമായാലും ആചാരമായാലും അത്‌ അക്രമത്തിലേക്ക്‌ പോകരുതെന്ന്‌ രാഹുല്‍ പറഞ്ഞു. പത്തനംതിട്ടയില്‍ യുഡിഎഫ്‌ തിരഞ്ഞെടുപ്പ്‌ പ്രചാരണ പരിപാടിയില്‍ സംസാരിക്കുകയായിരുന്നു അദ്ദേഹം.
ആളുകള്‍ക്ക്‌ അവരുടെ വിശ്വാസങ്ങളും ആചാരങ്ങളും പ്രകടപ്പിക്കുന്നതിലോ നടത്തുന്നതിലോ കോണ്‍ഗ്രസ്‌ പാര്‍ട്ടി ഒരിക്കലും തടസം നില്‍ക്കില്ല. കേരളത്തിലെ ജനങ്ങളുടെ യുക്തിക്ക്‌ ഞാന്‍ ആ വിഷയം വിട്ടുകൊടുക്കുന്നു. കേരളത്തിലെ ജനങ്ങള്‍ക്ക്‌ തീരുമാനമെടുക്കാനുള്ള കഴിവുണ്ട്‌.
ശബരിമലയുടെ പേര്‌ പറയാതെയായിരുന്നു രാഹുലിന്റെ ആചാരവും വിശ്വാസവും സംരക്ഷിക്കണമെന്ന പ്രസ്‌താവന. പ്രളയത്തില്‍ അകപ്പെട്ടവര്‍ക്ക്‌ ചെയ്യാന്‍ കഴിയുന്നതെല്ലാം ചെയ്യാന്‍ സംസ്ഥാന സര്‍ക്കാര്‍ തയ്യാറാകണം. 2019ല്‍ കോണ്‍ഗ്രസ്‌ അധികാരത്തിലെത്തിയാല്‍ പ്രളയത്തിലകപ്പെട്ട ജനങ്ങള്‍ക്ക്‌ വലിയ സഹായം ചെയ്യാനാകുമെന്നും രാഹുല്‍ പ്രസംഗത്തിനിടെ പറഞ്ഞു.
