- Thursday, November 28, 2024
- A biweekly newspaper published from philadelphia , pa.
ന്യൂഡല്‍ഹി: സംസ്ഥാനത്ത് ഇത്രയും വലിയ പ്രളയ ദുരന്തം ഉണ്ടായിട്ടും മുഖ്യമന്ത്രി പിണറായി വിജയനെ കാണാനേ ഇല്ലെന്ന് പ്രതിപക്ഷ നേതാവ് രമേശ് ചെന്നിത്തല. ഡല്‍ഹിയില്‍ നിന്ന് പോയ ശേഷം അദ്ദേഹം കര്‍ക്കിടക ചികിത്സയിലാണോ എന്ന് സംശയിക്കുന്നു. മുഖ്യമന്ത്രിയും മന്ത്രിമാരും ജനങ്ങളെ ആശ്വസിപ്പിക്കാനും പ്രളയ ദുരന്ത മേഖല സന്ദര്‍ശിക്കാന്‍ ബാധ്യതയുള്ളവരുമാണ്. എന്നാല്‍, മുഖ്യമന്ത്രി പ്രളയത്തെപ്പറ്റി യാതൊന്നും പറയുന്നത് േപാലും കേള്‍ക്കുന്നില്ല. കുട്ടനാട്, അപ്പര്‍ കുട്ടനാട് മേഖലയിലെ പ്രളയം കൈകര്യം ചെയ്യുന്നതില്‍ സര്‍ക്കാര്‍ കുറ്റകരമായ അനാസ്ഥയാണ് കാട്ടിയത്.
ആളുകള്‍ക്ക് ക്യാമ്ബുകളില്‍ പോലും പോവാനാവാതെ ഒറ്റപ്പെട്ടു കഴിയുന്നവരുണ്ട്. തിങ്കളാഴ്ച ഭക്ഷണ സാധനങ്ങള്‍ എത്തിക്കുമെന്നാണ് അറിയുന്നത്. ഇതുവരെ അരി എത്തിച്ചിട്ടില്ല. ഒച്ചിെന്‍റ വേഗത്തിലാണ് ദുരിതശ്വാസ പ്രവര്‍ത്തനം നടക്കുന്നത്. ദുരന്തത്തിന് ഇരയായവര്‍ക്ക് ഒരാള്‍ക്ക് 4,000 രൂപ വീതം നല്‍കുന്ന സംവിധാനം ഉണ്ടാകണം. ദുരന്ത നിവാരണ ഫണ്ടില്‍ അതിനുള്ള പണമുണ്ട്. ക്യാമ്ബില്‍ വരാത്തവര്‍ക്ക് സൗജന്യ റേഷന്‍ നല്‍കണമെന്ന് പ്രതിപക്ഷം ആവശ്യപ്പെട്ടിട്ടും നല്‍കിയിട്ടില്ല. കടലാക്രമണം നേരിടാന്‍ രണ്ട് വര്‍ഷമായിട്ടും ഒരു കല്ലുപോലും ഇട്ടിട്ടില്ല.
സംസ്ഥാനം സന്ദര്‍ശിച്ച കേന്ദ്രമന്ത്രി റിജ്ജു ജനങ്ങളെ പറ്റിക്കുകയാണ് ചെയ്തത്്. കേരളത്തിന് ദുരന്ത നിവാരണ സമിതിയില്‍ നിന്നും സ്വാഭാവികമായി കിേട്ടണ്ട പണമാണ് 80 കോടി. സര്‍ക്കാര്‍ അധികമായി ഒന്നും ഇതുവരെ നല്‍കിയിട്ടില്ല. 800 കോടിയിലധികം നഷ്ടമാണ് ഉണ്ടായിരിക്കുന്നത്. അതാണ് നല്‍കേണ്ടത്. ഇത് സംസ്ഥാന സര്‍ക്കാര്‍ ശക്തമായി ആവശ്യപ്പെടുന്നില്ല എന്നും പ്രതിപക്ഷ നേതാവ് ആരോപിച്ചു.
