- Thursday, November 28, 2024
- A biweekly newspaper published from philadelphia , pa.
തിരുവനന്തപുരം: സംസ്ഥാനത്തു എലിപ്പനി ഭീതി വിട്ടൊഴിയുന്നില്ല. ഇന്ന് ഏഴ് പേര്‍ അസുഖം ബാധിച്ച്‌ മരിച്ചു. തിരുവനന്തപുരത്ത് എലിപ്പനി ലക്ഷണങ്ങളുമായി മൂന്നു പേര്‍ മരിച്ചു. ഇതില്‍ ഒരാളുടെ മരണം എലിപ്പനിയെ തുടര്‍ന്നാണെന്ന് അധികൃതര്‍ സ്ഥിരീകരിച്ചു.
തിരുവനന്തപുരം ചെന്പൂര്‍ സ്വദേശി ദേവസാന്‍ (57) മരിച്ചത് എലിപ്പനിയെതുടര്‍ന്നാണെന്നാണു സ്ഥിരീകരിച്ചത്. പാലോട് സ്വദേശി ശശി (67), ഭരതന്നൂര്‍ സ്വദേശിനി ബിന്ദു (45) എന്നിവരാണു തിരുവനന്തപുരത്തു മരിച്ച മറ്റുള്ളവര്‍.
കൊല്ലത്തും എലിപ്പനി മരണം റിപ്പോര്‍ട്ട് ചെയ്തിട്ടുണ്ട്. കൊല്ലം പെരിനാട് സ്വദേശി ശിവദാസ(60)നാണ് എലിപ്പനിയെ തുടര്‍ന്നു മരിച്ചത്. കൂടാതെ പനിബാധിച്ച്‌ ഇടുക്കി ദേവിയാര്‍ കോളനി സ്വദേശി അനീഷ് അശോകന്‍ (27), കൊല്ലം തൃക്കരുവ സ്വദേശി ദ്വൈവിക് (മൂന്ന്) എന്നിവരും മരിച്ചു. 15 പേരാണ് ഞായറാഴ്ച എലിപ്പനിക്ക് ചികിത്സ തേടിയത്.
തിരുവനന്തപുരം, കൊല്ലം, കോട്ടയം, കാസര്‍ഗോഡ്, ആലപ്പുഴ, പാലക്കാട്, എറണാകുളം, പത്തനംതിട്ട എന്നിവിടങ്ങളിലായി 15 പേര്‍ക്ക് ഞായറാഴ്ച എലിപ്പനി കണ്ടെത്തിയതായി ആരോഗ്യവകുപ്പ് സ്ഥിരീകരിച്ചു.
