- Thursday, November 28, 2024
- A biweekly newspaper published from philadelphia , pa.
തിരുവനന്തപുരം: റീജിയണല്‍ ക്യാന്‍സര്‍ സെന്റര്‍ (ആര്‍സിസി) ഡയറക്ടര്‍ ഡോ. പോള്‍ സെബാസ്റ്റിയന്‍ രാജി വെച്ചേക്കുമെന്ന് സൂചന. മുഖ്യമന്ത്രിക്കും ആരോഗ്യമന്ത്രിക്കും ഇന്നലെ ഇതുസംബന്ധിച്ച്‌ വിവരം നല്‍കിയെന്നാണ് ലഭിക്കുന്ന വിവരം.
ഈ വര്‍ഷം ഓഗസ്റ്റ് വരെ ഡോ. പോളിന് കാലാവധി ശേഷിക്കെയാണ് ഇപ്പോഴത്തെ രാജി തീരുമാനം. ആര്‍സിസിയില്‍ നിന്ന് രക്തം സ്വീകരിച്ച രണ്ട് കുട്ടികള്‍ എച്ച്‌ ഐ വി ബാധിച്ച്‌ മരിച്ചിരുന്നു. അടുത്തിടെയുണ്ടായ ഈ സംഭവമാണ് രാജി കാരണമെന്നാണ് കരുതപ്പെടുന്നത്. എന്നാല്‍ രാജി സംബന്ധിച്ച പ്രതികരണങ്ങള്‍ക്കൊന്നും ഡയറക്ടര്‍ തയ്യാറായില്ല.
