- Thursday, November 28, 2024
- A biweekly newspaper published from philadelphia , pa.
തിരുവനന്തപുരം: ശബരിമല യുവതീപ്രവേശനവുമായി ബന്ധപ്പെട്ട പ്രശ്നത്തില്‍ സര്‍വകക്ഷിയോഗം വിളിക്കാന്‍ സര്‍ക്കാര്‍ തീരുമാനം. മണ്ഡലകാല തീര്‍ഥാടനത്തെ കുറിച്ച്‌ യോഗത്തില്‍ ചര്‍ച്ച ചെയ്യും. പുനഃപരിശോധനാ ഹര്‍ജികളില്‍ ചൊവ്വാഴ്ച്ച സുപ്രീംകോടതി നിലപാടിന് ശേഷമാകും ഇക്കാര്യത്തില്‍ അന്തിമ തീരുമാനം.
കഴിഞ്ഞ രണ്ട് തവണ നടതുറന്നപ്പോഴും പ്രതിഷേധവും സംഘര്‍ഷവും ഉണ്ടായതിന്‍റെ പശ്ചാത്തലത്തിലാണ് സര്‍ക്കാര്‍ സര്‍വകക്ഷിയോഗം വിളിക്കുന്നത്. എല്ലാ രാഷ്ട്രീയപ്പാര്‍ട്ടികളുടെയും അഭിപ്രായംതേടി സമവായമുണ്ടാക്കാനാണ് നീക്കം. ശബരിമല പ്രശ്നം എങ്ങനെ പരിഹരിക്കണമെന്ന് സര്‍ക്കാര്‍ യോഗത്തില്‍ ചര്‍ച്ച ചെയ്യും.
അതേസമയം, സര്‍വകക്ഷിയോഗം വിളിക്കാനുള്ള സര്‍ക്കാര്‍ തീരുമാനത്തെ ദേവസ്വം ബോര്‍ഡ് പ്രസിഡന്‍റ് എ.പദ്മകുമാര്‍ സ്വാഗതം ചെയ്തു. യോഗം വിളിക്കാന്‍ വൈകിയിട്ടില്ലെന്നും അദ്ദേഹം പറഞ്ഞു.
