- Thursday, November 28, 2024
- A biweekly newspaper published from philadelphia , pa.
വിമത ബിജെപി നേതാവ്‌ ശത്രുഘ്‌നന്‍ സിന്‍ഹ കോണ്‍ഗ്രസിലേക്ക്‌. തന്റെ സിറ്റിങ്‌ സീറ്റായ ബിഹാറിലെ പട്‌ന സാഹിബില്‍ കേന്ദ്രമന്ത്രി രവിശങ്കര്‍ പ്രസാദിനെ മത്സരിപ്പിക്കാന്‍ ബിജെപി തീരുമാനിച്ചതിനെ തുടര്‍ന്നാണ്‌ ശത്രുഘ്‌നന്‍ സിന്‍ഹ പാര്‍ട്ടി വിട്ടത്‌.
നരേന്ദ്രമോദിക്കെതിരെ കടുത്ത വിമര്‍ശനങ്ങളോടെയാണ്‌ ശത്രുഘ്‌നന്‍ സിന്‍ഹ ബിജെപിയില്‍ തുടര്‍ന്നിരുന്നത്‌. പലപ്പോഴും പരസ്യവിമര്‍ശനങ്ങള്‍ ഇദ്ദേഹം നടത്തിയിരുന്നു. മാത്രമല്ല ബിജെപിക്കെതിരായ പ്രതിപക്ഷ പാര്‍ട്ടികളുടെ കൂട്ടായ്‌മകളില്‍ ശത്രുഘ്‌നന്‍ സിന്‍ഹ സജീവ സാന്നിധ്യമായിരുന്നു. ഇതെല്ലാം പരിഗണിച്ചാണ്‌ ശത്രുഘ്‌നന്‍ സിന്‍ഹയ്‌ക്ക്‌ സീറ്റ്‌ നിഷേധിച്ചത്‌.
ഇതില്‍ പ്രതിഷേധിച്ചാണ്‌ കോണ്‍ഗ്രസിലേക്ക്‌ പോകാന്‍ ശത്രുഘ്‌നന്‍ സിന്‍ഹ തീരുമാനിച്ചത്‌.
