- Thursday, November 28, 2024
- A biweekly newspaper published from philadelphia , pa.
കേരള രാഷ്ട്രിയത്തില്‍ ഒരു പുത്തന്‍ മാതൃക തീര്‍ത്ത ആരോഗ്യ മന്ത്രി കെ.കെ. ഷൈലജ ടീച്ചര്‍ക്കും,നോർക്ക വൈസ് ചെയർമാൻ വരദരാജൻ, വനിതാ കമ്മീഷൻ മെംബെർ ഷഹിതാ കാമാൽ, അഡ്വ. സനൽ കുമാർ എന്നിവർക്ക് ആർട്ട് ലവേർസ് ഓഫ് അമേരിക്കയുടെ (അല )നേതൃത്വത്തിൽ യോങ്കേഴ്സിലുള്ള മുംബൈ സ്‌പൈസ് ഇന്ത്യൻ റെസ്റ്റോറന്റിൽ വെച്ച് ജൂലൈ 14 ആം തിയതി ശനിയാഴ്ച വൈകിട്ട് 5.30 ന് സ്വികരണം നൽകുന്നു.
നിപ്പ വൈറസ് ഭീതിക്കിടയിലും അടിപതറാതെ ശക്തമായ നിലപാടുകളില്‍ ഉറച്ചു നിന്ന് കേരള രാഷ്ട്രിയത്തില്‍ ഒരു പുത്തന്‍ മാതൃക തീര്‍ത്ത ആരോഗ്യ മന്ത്രി കെ.കെ. ഷൈലജ ടീച്ചര്‍ എല്ലാ മലയാളികളുടെയും അഭിമാനമാണ്. രോഗ സാധ്യതകളെ തൃണവല്‍ക്കരിച്ചു ഒരു പടനായികയുടെ ആര്‍ജ്ജവത്തോടെ വഴിവിളക്കായി നമുക്ക് മുന്നില്‍ നിന്ന ഈ ധീരവനിത, ഇന്ത്യക്ക് തന്നെ അഭിമാനമായി മാറിയ ആരോഗ്യ മന്ത്രിയെ നേരിൽ കാണനും, സംവദിക്കാനും അലയുടെ പേരിൽ അവസരം ഒരുക്കുന്നത്.
എല്ലാ മലയാളിസ്നേഹിതരെയും ഈ സ്വികരണ യോഗത്തിലേക്ക് സാദരം ക്ഷണിക്കുന്നതായി അലക്ക് വേണ്ടി ഡോ. ജേക്കബ് തോമസ്, ടെറൻസൺ തോമസ് എന്നിവർ അഭ്യർത്ഥിച്ചു.
കൂടുതൽ വിവരങ്ങൾക്ക് : ഡോ. ജേക്കബ് തോമസ് (718) 406-2541, ടെറൻസൺ തോമസ് (914)255-0176
