- Thursday, November 28, 2024
- A biweekly newspaper published from philadelphia , pa.
തൃശൂരില്‍ നടന്‍ സുരേഷ് ഗോപി എന്‍ഡിഎ സ്ഥാനാര്‍ഥിയാകും. ബിജെപി ദേശീയ അധ്യക്ഷന്‍ അമിത്‌ ഷാ സുരേഷ് ഗോപിയുമായി ചര്‍ച്ച നടത്തി. സുരേഷ് ഗോപിയെ ഡല്‍ഹിക്ക്‌ വിളിപ്പിച്ചായിരുന്നു ചര്‍ച്ച. പ്രഖ്യാപനം ഉടനെ ഉണ്ടാകുമെന്നാണ്‌ സൂചന.
ബിഡിജെഎസ്‌ അധ്യക്ഷന്‍ തുഷാര്‍ വെള്ളാപ്പള്ളി വയനാട്ടില്‍ എന്‍ഡിഎ സ്ഥാനാര്‍ഥിയാകുമെന്നു ബിജെപി അധ്യക്ഷന്‍ അമിത്‌ ഷാ പ്രഖ്യാപിച്ചതോടെയാണ്‌ തൃശൂരില്‍ സുരേഷ് ഗോപിക്കു നറുക്കു വീണത്‌. തുഷാര്‍ മണ്ഡലം മാറിയതോടെ സീറ്റ്‌ ബിജെപിയിലേക്കു തിരികെയെത്തുകയായിരുന്നു. സംസ്ഥാന പ്രസിഡന്റ്‌ പി.എസ്. ശ്രീധരന്‍ പിള്ള, ജനറല്‍ സെക്രട്ടറി എം.ടി. രമേശ്‌, ദേശീയ കൗണ്‍സില്‍ അംഗം പി.കെ. കൃഷ്‌ണദാസ്‌, കോണ്‍ഗ്രസില്‍നിന്നു കൂറുമാറിയ ടോം വടക്കന്‍ തുടങ്ങിയവരാണ്‌ ആദ്യഘട്ട ചര്‍ച്ചകളില്‍ തൃശൂരില്‍ പരിഗണിക്കപ്പെട്ടവര്‍.
